[retour à un affichage normal]

Mazarinade n° C_11_34

Image de la page

Anonyme [1651], LA VERITÉ DESCOVVERTE, DES PERNICIEVSES INTENTIONS que le Cardinal Mazarin auoit contre l’Estat : contre Messieurs les Princes : contre les Chefs des Frondeurs, & finalement contre S. Altesse Royale, pour se rendre maistre absolu de toutes les affaires de France. Auec vne parfaite declaration des funestes desseins qu’il à de se remettre pour se venger & pour reussir en ses premieres volontez, ou pour tout perdre en cas qu’il ne puisse pas arriuer en ses entreprises. , françaisRéférence RIM : M0_3988. Cote locale : C_11_34.

pas de les faire massacrer, contre la foy qu’il
leur auoit iurée de ne se souuenir iamais des
choses passées : Et Maximilian premier ne fit
iamais aucun traité auec Louys douziesme,
que pour se vanger des iniures qu’il pretendoit
en auoir reçeuës. C’est pourquoy ne vous
fiez point du tout à cet infracteur de la foy publique,
il ne vise qu’à vous des-vnir pour vous
faire choir dans le precipice qu’il vous prepare.
Et certes il vaut bien mieux que vous perdiez
le tyran de nostre repos, que de languir
perpetuellement sous le ioug de sa tyrannie.
Vous auez assez fait voir clairement dans toutes
vos procedeures combien le ministere du
Cardinal Mazarin vous de plaisoit, & combien
il estoit pernicieux à cette Couronne. Vous
l’auez declaré perturbateur du repos public,
& ennemy iuré du Roy & du Royaume : Vous
l’auez condamné & confisque tous ses biens
comme criminel, & vous voudriez souffrir
qu’il rentrast dans le ministere, à Dieu ne plaise
que vous en ayez seulement la pensee. Non
non, de quelque costé que vous tourniez vos
pensées, vous ne trouuerés pas, si vous prenez
le soin de bien escouter la raison, qu’il y ait aucune
Paix à faire auec vn monstre si funeste à
toute la nature creée. Les maladies ne se guerissent
iamais que par le retranchement de