[retour à un affichage normal]

Mazarinade n° C_11_34

Image de la page

Anonyme [1651], LA VERITÉ DESCOVVERTE, DES PERNICIEVSES INTENTIONS que le Cardinal Mazarin auoit contre l’Estat : contre Messieurs les Princes : contre les Chefs des Frondeurs, & finalement contre S. Altesse Royale, pour se rendre maistre absolu de toutes les affaires de France. Auec vne parfaite declaration des funestes desseins qu’il à de se remettre pour se venger & pour reussir en ses premieres volontez, ou pour tout perdre en cas qu’il ne puisse pas arriuer en ses entreprises. , françaisRéférence RIM : M0_3988. Cote locale : C_11_34.

sont les plus redoutables bourreaux de sa cruauté
& de sa perfidie. Et pour empescher les
mauuais desseins de ce nouueau Seianus, il
faut donc Illustres Protecteurs de la cause cõmune,
se resoudre à le faire choir dans le tombeau
qu’il nous veut creuser, pour nous y enseuelir
tous ensemble : car ce n’est pas assez de
dire qu’il est impuissãt, & qu’il est hay de toute
l’Europe, il à tous nos thresors, qui sont les veritables
obiets pour lesquels le soldat s’expose
à tous les perils les plus eminens, & nos ennemis
se seruiroient du plus abominable de tous
les demons incarnez pour nous broüiller, &
pour enuahir vne partie de ce Royaume. C’est
pourquoy vous deuez apporter vn remede fort
prompt aux mal’heurs dont nous sommes menacez,
& sans temporiser dauantage, de crainte
que ie ne sois trop veritable en mes propheties,
vous deuez prendre bien vnies ensemble,
l’espée de vostre iustice, & le bouclier de nostre
salut, pour aler au deuant de ces pernicieuses
intentions & de nostre ruine, en le faisant
punir comme il la merité, ou du moins en
le banissant pour iamais de ce Royaume.
 

FIN.