[retour à un affichage normal]

Accueil > recherche > Affichage d'une occurrence en contexte

Mazarinade n° A_2_53

Image de la page

Anonyme [1649], DECRET INFERNAL CONTRE IVLES MAZARIN ET TOVS LES PARTISANS DE FRANCE. , françaisRéférence RIM : M0_961. Cote locale : A_2_53.


DECRET INFERNAL CONTRE
Iules Mazarin, & tous les Partisans de France.

PLVTON, Empereur des Tenebres,
estant aduerty par vn Demon de la
Terre, que Iules Mazarin Ministre
iniuste de la France, se preparoit à
venir faire sa demeure dãs son Empire infernal, fist
des hurlemens si espouuentables, qu’ils firent fremir
tous les Demons, & redoublerent tellement
les tourmens des damnez, que croyans estre tous
perdus d’vne ruine commune, ietterent reciproquement
des cris, qui firent retentir les lieux les
plus reculez de l’Auerne : puis tous transis d’effroy
& d’espouuantement, demeurerent enseuelis dans
vn profond silence, pour apprendre quelle estoit
la cause de ces mouuemens si extraordinaires.
Mais ils furent bien estonnez, quand ils reconnurent
la parole de leur Maistre, qui d’vne voix rauque
& toute effarée pronõçoit le redoutable nom
de Mazarin, auec des apostrophes qui monstroiẽt
assez qu’il auoit grand peur de perdre sa couronne :
Ce qui leur fist croire que ledit Mazarin leur
apportoit secours a lencontre de luy & de tous les
Demons qui les tourmentoient, ils s’asseurent tellement
en ses forces, en ses ruses accoustumées,
& en la cruauté dont il a tousiours traitté les hommes,