[retour à un affichage normal]

Mazarinade n° B_17_27

Image de la page

Anonyme [1652], LA VERITÉ, PARLANTE AVEC liberté, sur l’Estat present. I. Sur la corruption de tous les Ordres & Loix du Royaume, dans le Ministere du Cardinal Mazarin. II. Sur les mal-heurs que la France à soufferts par sa tyrannie. III. Sur les moyens de preuenir à l’aduenir le Gouuernement des Estrangers. IV. Et pour pourueoir à la Regence durant la Minorité & le bas-aage de nos Rois. , françaisRéférence RIM : M0_3997. Cote locale : B_17_27.

leur patrie, ont tousiours deffendu la verité
des affaires cõtre ceux qui s���en sentent offensez,
pour découurir leurs deloyautez & infidelitez.
 
Verité, qui doit estre tousiours simple, nette,
sincere, pure fille du temps, sans ombrage, sans
déguisement & sans crainte, ainsi qu’elle se verra
dans cette verité, exposée à la veuë du public,
où se seront naїfuement representées les
actions des vns & des autres, d’entre ceux qui
ont gouuerné & gouuernent l’Estat, celles de
Messieurs les Princes, du Parlement & des Ministres
loüables & blasmables, auec ce qui est arriué
aux vns & aux autres, le tout en trois Tableaux.
Le premier fera voir comme les Oncles de
nos Rois & les Princes du Sang (comme auiourd’huy
Monsieur le Duc d’Orleans & Messieurs
les Princes de Condé & de Conty.) apres la Majorité
du Roy, doiuent auoir le Gouuernement
de l’Estat iusques à ce que le Roy soit en aage
capable de gouuerner seul.
Le deuxiéme, le peril & le danger qu’il y a
d’admettre des Estrangers au Ministere des affaires,
par l’exemple de Iules Cardinal Mazarin.
Le troisiéme, des éuenemens sinistres qui se
sont veus & se voyent encores à present en France,
par le trop grand pouuoir que s’est donné le
Cardinal Mazarin, & de ses Conseillers par leurs