[retour à un affichage normal]

Accueil > recherche > Affichage d'une occurrence en contexte

Mazarinade n° A_5_105

Image de la page

Anonyme [1649], LA VISION PROPHETIQVE DE STE GENEVIEFVE, PATRONE ET PROTECTRICE DE LA VILLE DE PARIS, Ab incursu & dæmonio Meridiano. , françaisRéférence RIM : M0_4037. Cote locale : A_5_105.


miraculeux de la Merrouge, lors qu’ils alloient seruir de victimes
à la cruauté de Pharaon, vous y verrez ensuitte cette source
d’eau produite d’vn rocher frappé de la verge du mesme Moyse,
lors qu’vne soif mortelle alloit faire perir des millions de ce peuple,
la Manne tomber du Ciel, lors que toute esperance d’auoir
dequoy soulager leur faim, estoit apparemment hors de leur pouuoir,
la Bataille des Amalcites, gaignée auec si peu de perte de
leurs gens, lors qu’ils n’en pouuoient esperer qu’vne cruelle deffaite ;
Dauid a bien raison de chanter dans ses Hymnes, que les
misericordes de Dieu sont infinies, puisque toute sa vie est pleine
d’incidents où Dieu s’est plû de faire remarquer des exemples
de ses graces particulieres, il est sacré pour estre Roy, lors
qu’il ne songeoit qu’à commander à des brebis, & toutes les fois
que la colere de Saül alloit executer l’Arrest de sa perte, tantost
Michol & tantost Ionathas, luy fournissoient les moyens d’eschaper
& de sauuer sa vie, lors qu’il s’estoit desia resolu par la necessité
de la quitter.
 
Les miracles de Iesus-Christ dans le nouueau Testament,
n’ont esté faits qu’en faueur des miserables infirmes, qui ne pouuoient
esperer aucun secours des hommes, l’Aueugle-né, le Paralytique,
la fame affligée du flux de sang, le Lepreux, & le malade
de la Piscine n’estoient pas des pratiques propres pour les
Medecins : Mais si nous considerons la resurrection du Lazare,
qui surpasse tous les autres miracles, nous admirerons que le
pouuant bien secourir dans sa maladie, il voulut temporiser iusques
à sa mort, & permit mesme que la pourriture s’emparast de
son corps, afin de faire dauantage esclater ce miracle dans cette
extremité si peu propre à receuoir quelque secours.
Mais ces exemples sont trop esloignez, & nostre Glorieuse Patrone
nous en fera remarquer dans sa Vie vne infinité, dont celuy-cy
vient merueilleusement à nostre suject.
Les Sarrazins venus d’Espagne auoient innondez toutes les
Prouinces de la France, la campagne en estoit miserablement
desolée, & ses villes & ses habitans auoient passé la pluspart
par le fer & le feu de ces Barbares, tout leur auoit fait joug &
la seule ville de Paris, auoit esté reseruée pour leur derniere conqueste,
ils en approchoient toutes fois auec vne armée formidable,