[retour à un affichage normal]

Accueil > recherche > Affichage d'une occurrence en contexte

Mazarinade n° B_3_9

Image de la page

Anonyme [1652], LA VRAYE ET VERITABLE HARANGVE FAITE AV ROY Par vn des principaux Deputez en presence de toute sa Cour, ASSEVRANT SA MAIESTÉ DE LEVR obeyssance & fidelité à la Couronne & le suppliant de reuenir dans sa bonne ville de Paris, pour y resoudre a faire la Paix Generale. , françaisRéférence RIM : M0_4074. Cote locale : B_3_9.


lors ayant veu l’effect qu’elle se promet, elle publiera
que ce qu’elle en void, est plus grand que
tout ce qu’on en sçauroit jamais dire ; heureuse
dans sa jouyssance ! & dans la possession du bonheur
de vostre veüe, elle dira auec cette Reyne
Saba que bien heureux sont les seruiteurs qui ont
l’honneur de seruir vn si grand Roy, & par consequant
heureux le peuple qui est soubs vostre protection,
depuis vostre Majorité ; vous ne debuez
donc pas seulement tascher à le conseruer, mais
aussi à la grandir, ce que vous ne ferez iamais,
qu’en mettant fin aux guerres intestines ; qui ne
consomment pas seulement son cœur mais encores
les extrémitez de son corps, dont l’estendüe
ne doit point auoir d’autres bornes que celles de
la Iustice ; comme respondit fort-bien l’Empereur
Trayan (digne pere de l’Empereur Theodose) au
Roy des Parthes qui luy proposoit de mettre pour
bornes (le fleuue Eufrates, entre leur domination,
& qu’ainsi l’Empire des Romains & celuy des
Parthes, seroit terminé) lors qu’il luy dit que les
fleuues ny les riuieres n’estoient point les limites
de l’Empire Romain, qu’il n’y auoit que la seule
Iustice qui seruoit à l’estendre, & à la conseruer,
elle est aneantie de mesme que ses Loix ? depuis
que vous auez quitté son Throsne, & si Vostre Majesté
ne met dans sa balance la misericorde qui
doit estre la plus Illustre de vos vertus, il est en
d’anger que tout ne bouleuerse, & si vostre main
comme vostre presence ne guerissent les maladies
de vostre Estat qui a vostre abort respirera tout vn
nouueau genre de vie, que nous protestons sacrifier
pour vostre seruice.
 

FIN.