[retour à un affichage normal]

Accueil > recherche > Affichage d'une occurrence en contexte

Mazarinade n° B_19_55

Image de la page

Anonyme [1652], LE BON CITOIEN FAISANT VOIR. I. L’Antonomie des Maxime d’Estat & de la Religion Chretienne touchant la guerre. II. Que puis qu’il y va de l’hõneur des Princes & du salut des Peuples de laisser le Roy prisonnier entre les Mains du Cardinal Mazarin, les Parisiens le doiuent aller querir où il est. III. Que laissant perdre l’occasion qui se presente, la ruine de Paris est infaillible. , français, latinRéférence RIM : M0_585. Cote locale : B_19_55.


aux Clercs par les vieux Canons
de l’Eglise de porter les armes, ce qui n’oblige
à la verité que quelques vns d’entre les Chrestien:
mais les Canons de l’Euangile qui nous
sont tous l’heritage, les oincts du Seigneur, la
Sacrificateure Royale par la Communion à Iesus
Christ, font vne loy generale de laquelle
personne ne seroit exempt si nous ne voulions
faire la guerre qu’au vice & au peché.
 
S’il n’est pas loisible aux Chrestiens, heritiers
pretendus du Royaume du Ciel, de combatre
pour les choses de la terre contre les Ennemis
mesme de I. Christ, à plus forte raison doiuent
ils s’abstenir de se faire la guerre l’vn contre
l’autre : celle cy estant opposée à la charité, qui
est le fondement & le faiste de toute la Religion
Chrestienne. Le Caractere du Christianisme
c’est la dilection. Nostre Souuerain Legislateur
a posé pour loy fondamentale de son
estat le plus parfait amour qui se puisse trouuer
parmy les hommes, disant Iean 13. V. 34. Ie
vous donne vn nouueau Commandement que vous
vous aymiez l’vn l’autre : voire que comme ie vous
Ay aymés, vous vous aymiez aussi l’vn l’autre, par
cela cognoistront tous que vous estes mes Disciples
si vous auez de l’amour l’vn pour l’autre.
La guerre nous oblige de destruire celuy que