[retour à un affichage normal]

Accueil > recherche > Affichage d'une occurrence en contexte

Mazarinade n° A_2_47

Image de la page

Anonyme [1649], DEFFENCE POVR MESSIEVRS LES MINISTRE OFFICIER DE FINANCES ET AVTRES. Ou le combat de la vertu contre la Calomnie. , françaisRéférence RIM : M0_990. Cote locale : A_2_47.


clefs de beaucoup de choses, pour esmouuoir
les debordemens de cette mer impetueuse,
d’hommes incensez qui ne peuuent trouuer
de repos que dans la tempeste, & qui ne
se font escouter que dans le bruit. Mais qui
voudroit se donner la peine, de rechercher
plus profondement les causes de telz
desseins si pernicieux à l’Estat, on verra clairement
que les perturbateurs du repos public,
n’ayment le bien public que pour leur vsages
particuliers, que leur langage n’est autre que
iargon & qu’ils ont bien la voix de la vertu,
mais qu’ils n’en ont nullement l’essance, n’ayant
autre fin pour pensée, autre cause mouuent
qu’vne vengeance priuée la vanité, la
gloire & le proffit particulier.
 
Ces considerations iointes à vne infinité
d’autres aussi fortes, soustiennent les forces &
les courages de ces Seigneurs, Ministres Officiers
de Finances, & autres sçachans, la Calomnie
ne les pouuoir vaincre, que de se coucher
tard, & se leuer matin pour le salut public
& de veiller pendant que les autres dorment
en repos.
Qui nous verroit iusques dans l’ame, (peuuent