[retour à un affichage normal]

Mazarinade n° B_2_35

Image de la page

Anonyme [1652], LE CARACTERE DE LA ROYAVTE. ET DE LA TYRANNIE faisant voir PAR VN DISCOVRS POLITIQVE. I. Les Qualitez necessaires à vn Prince pour bien Gouuerner ses sujects. II. Les maux qui arriuent aux Peuples lors que les Souuerains sont incapables de les Gouuerner. , français, latinRéférence RIM : M0_631. Cote locale : B_2_35.

soit en leurs decadences & en leur fin.
 
Lors que la politique est fondée sur la morale
c’est à dire que celuy qui gouuerne l’Estat, est
homme de bien, prudent, iuste, fort & moderé,
tous ceux qui se trouuent dans la mesme
Societé Ciuile peuuent esperer da paruenir par
son moyen au plus haut degré de bonheur, &
dessors comme enseigne Arristote cette personne
doit estre considerée non point comme
vn homme : mais comme vn Heros ou comme
vn Dieu. Mais combien pensez vous qu’il
s’est trouué de Monarques qui ont monté sur
le throne estant doüez de toutes ces vertus ?
pour vn que ie pourrois soustenir auoir esté capable
de manier le Sceptre, il s’en trouuera
cent, voire mille qui n’estoit pas dignes d’auoir
la moindre charge de leur Empire.
Faisons vne petite reflection sur les quatre
Monarchie ; & voyons comme celle des Assiriens
à esté establie par Nembroth continuée
par Semiranis & finie par Sardanapale. Celle
des Medes fut commancée par Cirus que Xenophon
à donné pour modelle à tous les Roys
bien qu’il eust vsurpé l’Empire, & finie par Darius
vaicu par Alexandre qui donna l’establissement
à la troisiesme Monarchie, ayant destruit
plus d’vn million d’hommes qui ne l’auoient