[retour à un affichage normal]

Accueil > recherche > Affichage d'une occurrence en contexte

Mazarinade n° B_7_10

Image de la page

Anonyme [1651], LE COVP D’ESTAT DE MONSIEVR LE PRINCE DE CONDÉ. , françaisRéférence RIM : M0_803. Cote locale : B_7_10.


aux obligations qu’il à au Parlement, à Monsieur le Duc
d’Orleans, aux gens de bien & aux peuples pour sa deliurance,
ils ont creu que sa retraite auoit de iustes causes, &
que sa suite nous produiroit du bien. Mais la faction du
C. Maz. n’a pas manqué de s’en preualoir, ses emissaires ont
dit qu’il ne s’estoit absenté que pour ses interests & contenter
son ambition, que le veritable sujet de sa sortie estoit
le refus que la Reyne luy auoit fait du Gouuernement
de Prouence pour Monsieur son frere & de plusieurs autres
demandes, que pour sortir il s’estoit forgé vn pretexte
qui paroissoit foible par ces circonstances, qu’ayant recogneu
ses forces apres sa desliurance par le grand nombre
de ses Alliez, amis & seruiteurs, Gouuernemens, places
fortes & affection des Gens de guerre, il vouloit auoir la
gloire d’emporter à la teste d’vne puissante armée, tout
ce qu’il voudroit proposer & pousser sa bonne fortune
iusques où peut aller la valeur, le courage & le bon heur
d’vn ieune Prince victorieux. Ils ont mesme publié que
cette sortie estoit vn effect d’vne intelligence secrete de
ce Prince auec le Cardinal Mazarin & ses Creatures, pour
son restablissement, lors que la Reine lui auroit accordé
ses pretentions, sur lesquelles elle ne pouuoit autrement
lui donner de satisfaction, de crainte de bailler quelque sujet
de mescontentement à des personnes d’vne haute consideration
qui en prendroient ialousie.
 
Ces discours pernicieux tenoient les esprits en suspend :
mais ses mauuaises impressions qu’on a tasché de donner
au peuple ont cessé par la lettre qu’il a escrite au Parlement
le septiesme du mesme mois de Iuillet, par laquelle,