[retour à un affichage normal]

Mazarinade n° C_7_19

Image de la page

Anonyme [1649], LE DIALOGVE DV SOLDAT, DV Paysan, de Polichinelle, & du Docteur Scatalon. OV RETOVR DE LA PAIX, AVEC LES REMERCIEMENS Au Roy & à la Reyne. , françaisRéférence RIM : M0_1089. Cote locale : C_7_19.

& trauailler à puissance ; pour moy ie ne demande
que paix & concorde, la prosperité de mon
Maistre & de ma Maistresse, & la robbe neufve qu’ils
me promirent dernierement : Enuoyons donc la guerre
en couche, car il me semble que c’est assez plumé la
poulle, & ruiner le pauure paysan : & puis, mon humeur
ne m’y porte pas. Hé ne vaut-il pas mieux que
tout le monde viue de son mestier, que d’estre tousiours
en crainte de ne pas manger sa souppe, encore
qu’elle soit dressée ? Ne vaut-il pas mieux que Maistre
Polichinelle fasse la morgue & le pouf pres la cuisine,
auec sa robbe, son bonnet, & ses lunettes, que de le
voir derriere vne muraille faire le hou hou ? Foy de garçon,
& d’habile homme à peu prés, ie trouue ceste sauce
là vn peu plus douce que toute la guerre ; & si ie
m’asseure que beaucoup d’autres seront de mon advis :
Que vous en semble-il, Monsieur le Docteur ? par vostre
foy dites-le : n’estudiez vous pas en temps de paix
auec vn esprit plus deliberé, que lors qu’il vous faut
porter vne bandoüliere & vn mousquet à la porte ?
 

LE DOCTEVR.
Maistre Polichinelle, la merueille du monde, &
le monde des merueilles, i’approuue fort ce
que vous opinez, & principalement les choses qui concernent
l’honneur & l’authorité de nostre Roy, & la
tranquillité publique ; non pourtant que ie sois fasché
de souffrir des fatigues pour vn faict d’Estat ; mais à
cause du trouble & de la confusion qui pendant vn reuers