[retour à un affichage normal]

Accueil > recherche > Affichage d'une occurrence en contexte

Mazarinade n° D_1_1

Image de la page

Anonyme [1637], DES ANCIENNES ENSEIGNES ET ESTENDARTS DE FRANCE, DE LA CHAPPE DE S. MARTIN. De l’Office & Dignité du GRAND SENESCHAL, dit DAPIFER, qui portoit ceste Chappe aux batailles. DE L’ORIFLAMME OV ESTENDART DE S. DENYS. DE LA BANNIERE DE FRANCE: & CORNETTE BLANCHE. , français, latinRéférence RIM : Mx. Cote locale : D_1_1.


biens Geoffroy Gastelier, executé par ses demerites faites audit
Hostel, par nostre iurisdiction, lesquels biens estoient en, &
sur la terre, & haulte iustice, & jurisdiction des Religieux
de Sainct Martin des Champs lez Paris : C’est à sçauoir en
l’hostel où souloit demeurer, & demeure pour le temps deslors
Robert Digonuille cousturier : par dedans la porte nommée,
la porte Sainct-Martin des Champs, à Paris : &
aussi eust enuoyé par deuers nous, ledit Robert, hoste desdits
Religieux, & fait METTRE EN L’ESCHIELLE pour cause
de certains faux serments faits pardeuant nous, ou les Maistres
dudict hostel sous nous : Et combien que le Chambrier,
& Maire de ladite Eglise, se fussent traicts par deuers
nous, & par deuers ledict Roy des Ribaux, en requerant
à eux estre rendus, & restituez lesdicts biens & hoste,
comme à eux appartenans : & depuis en ont mis, & tenu
ledict Roy des Ribaux, en procez en Parlement : SÇAVOIR
faisons, que nous voulant garder l’Eglise & ses droicts : Eu
conseil & deliberation aux choses dessusdictes, & aussi oster
le Roy des Ribaux desdicts procez, AVONS voulu & ordonné,
voulons & ordonnons, que tous les biens dudict
Geoffroy, trouuez & pris en l’hostel dudit Robert, que à
cause de la jurisdiction desdits Religieux, leur soient baillez,
deliurez, & rendus, & aussi la cognoissance dudict Robert,
laquelle nous leur baillons, entant que faire se peut,
par la teneur de ces presentes : Et ne voulons que il tourne
à preiudice à la jurisdiction desdicts Religieux : ce que faict
en a esté par nous : & par ainsi, que lesdicts Religieux se
departiront de la Cour de Parlement, s’il plaist à la Cour :
Parce donnons en mandement à nos amez Pierre de Selin,
Clerc de nous, & Commissaire du hostel, & audict Roy des