[retour à un affichage normal]

Mazarinade n° C_7_57

Image de la page

Anonyme [1649], LE DONION DV DROIT NATVREL DIVIN, CONTRE TOVTES LES ATTAQVES des Ennemis de Dieu, & de ses peuples: donnant la Camusade, au Tres-Illustre Grammairien de Samothrace. "REVELATVR IRA DEI DE COELO, super omnem impietatem & iniustitiam hominum eorum, qui veritatem Dei in iniustitia detinent", ad Rom. Cap. I Vers. 18. , français, latinRéférence RIM : M0_1170. Cote locale : C_7_57.

Puisque ie me mesle d’arguer l’vn & l’autre
Censeur ; il m’est, ce semble, loisible de m’instruite
par leurs responses, pour leur donner sujet de
soustenir leurs propositions : & non me preualoir ;
mais leur faire voir leur erreur : ainsi que
vous mesme reconnoissez au sujet d’Helie : &
confesserez Dieu aydant, en celuy de Samuel :
qui ne fut le premier homme de Dieu depuis
Moyse, pour conduire Israël, Ierobaal, Badam,
& Iephté l’ayans precedé : & ne s’estant trouué
seul Prophete dans son temps : autrement ce Prouerbe,
Etiam Saül inter Prophetas, seroit faux ; prophetisant
auec eux, au retour de son onction
Royale, dans la recherche de ses Asnes, Monsieur,
& par consequent bon, & non mauuais,
comme vous dites.
Il est vray que dés les premieres demarches
criés victoire ; mais la fin couronne l’œuure. Vostre
auant garde fait merueilles, ie le confesse :
mais c’est en faueur de vos ennemis : & vous cause
telle & si grande desroute, que le cœur vous en
manquant auec Spasme ; le reste demeure à l’abandon ;
les ventricules de vostre cerueau, ne s’estans
trouués de disposition requise, pour bien
digerer ce morceau ; l’auarice & l’iniustice flatteresse
les ayans peruertis.
Car reconnoissans que l’Histoire de Roboam,
par moy premierement que vous citée, & cotée :
auec les passages des 16. 17. & 20. Chapitres Versets