[retour à un affichage normal]

Mazarinade n° C_5_10

Image de la page

Anonyme [1649], LE FILS DE L’IMPVDIQVE ; ET LE PERFIDE VOLVPTVEVX. , françaisRéférence RIM : M0_1394. Cote locale : C_5_10.

personne d’honneur, il vendit lâchement son Roy, son
Maistre, & sa Patrie ; ce qui luy dõna entrée auprés de Monsieur
le Cardinal de Richelieu, à la memoire duquel la Frãce
est redeuable ; lequel quoy que tres-grand Genie, cõmit
pourtant en ce rencontre vne lourde faute cõtre la maxime
generale, qui veut que l’on se serue de la trahison, mais non
iamais du traitre, permettant que ce loup affamé, & cupide
des richesses, mit le pied dãs la France, où estant il eut assez
d’adresse par le moyẽ de ses fourberies ordinaires qu’il couuroit
malicieusement l���apparence de pieté, de se conseruer
auprés de luy, à tel point que ledit sieur Cardinal de Richelieu
a procuré par ses soins & poursuittes, que cét homme
de neant ait esté éleué à la principauté Ecclesiastique ; Ce
qu’il ne peut obtenir sans grande difficulté, attendu que ce
peruers estoit connu dans l’Italie, mais particulierement à
Rome, pour le plus lâche & poltron de tous les hommes, &
que sa vie y auoit seruy d’vne planche à toutes sortes de vices,
& que la pluspart de la ieunesse n’auoit esté corrompuë
que par sa maudite pratique. Neantmoins le Pape defunct,
qui aimoit grandement la France, ne peût refuser les prieres
du feu Cardinal de Richelieu, pour deux raisons ; la premiere,
pour donner des marques de son amitié à ce Royaume,
car en cela il est certain qu’il se faisoit vne grande violence
à sa consideration ; la seconde, qu’il creût que peut estre ce
malheureux changeroit de vie, quand il se verroit éleué dãs
vne si haute dignité : Mais helas ! tout le contraire est arriué,
car ayant oublié ce qu’il estoit par le lustre de sa pourpre,
il a creu qu’impunément il luy estoit permis de commettre
toutes sortes d’excez & de sacrileges, mesme iusques
à vendre des Benefices.
 
Le Roy tres-Chrestien Louys XIII. estant mort, & l’eminentissime