[retour à un affichage normal]

Mazarinade n° B_11_17

Image de la page

Anonyme [[s. d.]], LE FLAMBEAV D’ESTAT, AVEC LEQVEL TOVS LES PEVPLES DE FRANCE peuuent voir comme ils sont obligez de s’vnir pour l’execution de l’Arrest du 29. Decembre 1651. & de l’Arrest du 23. Iuillet 1652. donnez en Parlement contre Mazarin, toutes les Chambres assemblées. OV L’ON VERRA, I. Que les Arrests d’vn si Auguste Parlement que celuy de Paris doiuent estre inuiolables; principalement quand ils sont donnez pour deliurer l’Estat de la prodigieuse tyrannie où il est. II. Qu’il y va de la gloire de Dieu, de l’honneur du Roy, du salut de la Couronne, du repos public, & du bien vniuersel de tous les peuples de France. III. Qu’il n’est point de François qui ne soit veritablement obligé de respondre vn iour deuant Dieu, de toutes les voleries, meurtres, violences incendies & sacrileges que Mazarin & ses complices font & feront de toutes parts, si on ne les en empesche pas, le pouuant faire. IV. Qu’il n’y a rien de si facile que d’en venir à bout par vn soûleuement general, puis que tous les autres moyens nous ont manqué. V. Et qu’il n’est point de peuple qui n’ait droit de se faire iustice soy-mesmes, quand on refuse de la luy faire. , françaisRéférence RIM : M0_1397. Cote locale : B_11_17.

d’hommes ? qu’on pille & qu’on ruine l’Estat ?
qu’on persecute les Princes, le Parlement, &
le peuple ? qu’on empesche la paix pour nous
tyranniser auec plus de seuerité ? qu’on nous
face gemir sous vn nombre infini d’oppressions ?
qu’on veille perdre Paris & ces habitans ? qu’on
pille tous nos tresors & qu’on nous massacre ?
qu’on enleue le Roy & qu’on vsurpe son authorité ?
& finalement qu’on pretende faire du domaine
de sa Maiesté, comme vn tyran fairoit
d’vne terre qu’il auroit conquise ? c’est ce qu’on
ne sçauroit veritablement faire, sans qu’il y aille
de la gloire de Dieu, de l honneur du Roy, du
salut de l’Estat, du repos public, & du bien vniuersel
de tous les peuples de France.
 
III. C’est pourquoy, il n’est point de veritable
François, qui ne soit obligé en conscience
de respondre vn iour deuant Dieu, de toutes
les voleries, de tous meurtres, de tous les violemens,
de toutes les incendies, & de tous les sacrileges
que Mazarin & ses gens font & feront
de toutes parts, s’ils ne les en empeschent pas,
le pouuant faire, ainsi que ie le verifieray dans
suitte de ce petit discours, auec des raisons tres
pertinentes.
Ie n’ay donc premierement pour cela, qu’à
prouuer que nous pouuons aisement empescher
que Mazarin & tous ses partisans ne facent