[retour à un affichage normal]

Accueil > recherche > Affichage d'une occurrence en contexte

Mazarinade n° B_11_17

Image de la page

Anonyme [[s. d.]], LE FLAMBEAV D’ESTAT, AVEC LEQVEL TOVS LES PEVPLES DE FRANCE peuuent voir comme ils sont obligez de s’vnir pour l’execution de l’Arrest du 29. Decembre 1651. & de l’Arrest du 23. Iuillet 1652. donnez en Parlement contre Mazarin, toutes les Chambres assemblées. OV L’ON VERRA, I. Que les Arrests d’vn si Auguste Parlement que celuy de Paris doiuent estre inuiolables; principalement quand ils sont donnez pour deliurer l’Estat de la prodigieuse tyrannie où il est. II. Qu’il y va de la gloire de Dieu, de l’honneur du Roy, du salut de la Couronne, du repos public, & du bien vniuersel de tous les peuples de France. III. Qu’il n’est point de François qui ne soit veritablement obligé de respondre vn iour deuant Dieu, de toutes les voleries, meurtres, violences incendies & sacrileges que Mazarin & ses complices font & feront de toutes parts, si on ne les en empesche pas, le pouuant faire. IV. Qu’il n’y a rien de si facile que d’en venir à bout par vn soûleuement general, puis que tous les autres moyens nous ont manqué. V. Et qu’il n’est point de peuple qui n’ait droit de se faire iustice soy-mesmes, quand on refuse de la luy faire. , françaisRéférence RIM : M0_1397. Cote locale : B_11_17.



C’est vne vertu si belle, si noble, si excellente
& si glorieuse, quil n’est pas vne vertu Morale,
quelque illustre quelle puisse estre, qui ne
luy doiue ceder le dessus, soit ou parce qu’elle
a son siege dans la volonté, sans aucune dependance
de pas vne de toutes les autres : soit
ou parce, comme le dit fort bien Aristote qu’elle
contient en soy toutes les autres vertus, d’où
vient qu’en l’Escriture sainte tous ceux qui font
profession de toutes les autres vertus Morales
& surnaturelles, sont appellez iustes : soit ou
parce que la prudence que quelques Philosophes
des siecles passez, mettent à la teste de
toutes les autres vertus, aussi bien que quelques
vns du siecle present, ne sçauroit estre
qu’vne maniere de iustice, puis que pour arriuer
au but qu’elle se propose à trauers les ombres
de l’aduenir, il faut necessairement qu’elle
s’occupe à balancer les moyens d’y arriuer par
les voyes les plus conuenables, soit ou parce
que cette magnifique distributiue, ne regarde
que l’aduantage & le bien d’autruy, sans reflechir
aucunement sur son interest particulier :
ou finalement, soit parce que cette vtilité publique,
qu’elle a tousiours preferée à son vtilité
particuliere, la rend plus voisine du Ciel que
toutes les autres vertus ne sçauroient estre.
Son excellence.
Pseaume 32