[retour à un affichage normal]

Accueil > recherche > Affichage d'une occurrence en contexte

Mazarinade n° B_10_29

Image de la page

Anonyme [[s. d.]], LE FLEAV DE L’ESPRIT DE DIEV, SVR LES MINISTRES à deux Cœurs, à deux Maistres, & à deux Visages. "Le Seigneur veut que l’hypocrisie de ceux qui se glorifient en luy, pendant qu’ils le nient par des actions publiques, soit franchement reprise & hautement condamnées par les veritables Euangelistes de sa parole eternelle." Esaye 48. 58. & 66. , français, latinRéférence RIM : M0_1399. Cote locale : B_10_29.



En l’an 1549. l’Euesque d’Agen, & l’Euesque
de Besiers furent bien iugez pour mesme crime.
Claude de Xaintes Euesque d’Eureux fut bien
puny pour auoir soustenu que le parricide commis
en la personne de Henry III. auoit esté iustement
attenté, & qu’il estoit permis d’en faire autant
à Henry IV.
Guillaume Roze Euesque de Senlis, fut bien
condamné à faire amende honorable dans la
grande Chambre du Palais, pour auoir voulu
trauerser les affaires de Henry IV.
Enfin le nombre des Ecclesiastiques qui ne se
sont iamais portez qu’à mal faire est si grand,
que ie ne sçay si vn trauail de dix années de temps
suffiroit pour en décrire la vie.
Iugez apres cela si l’on doit souffrir que les
Ecclesiastiques abandonnent le seruice de Dieu
pour esleuer le thrône de leur ambition sur la
ruine des Estats, & sur la disgrace des Princes.
Ce sont de ces idolatres de l’ancienne Loy, qui
n’auoient iamais que le veau d’or dans la pensée.
Où s’ils ont d’autres diuinitez, ce ne sont que celles
du faste, de la pompe, du crapule, & de la
libidination ; en faueur de qui ils n’ont que des
encensemens tous nouueaux, & des offrandes
toutes extraordinaires. Point de foy ny de fidelité
ny pour Dieu ny pour leur Prince : & ils ne
font semblant d’en auoir pour l’Eglise & pour le
Pape, desquels ils se disent estre les creatures,