[retour à un affichage normal]

Mazarinade n° B_10_29

Image de la page

Anonyme [[s. d.]], LE FLEAV DE L’ESPRIT DE DIEV, SVR LES MINISTRES à deux Cœurs, à deux Maistres, & à deux Visages. "Le Seigneur veut que l’hypocrisie de ceux qui se glorifient en luy, pendant qu’ils le nient par des actions publiques, soit franchement reprise & hautement condamnées par les veritables Euangelistes de sa parole eternelle." Esaye 48. 58. & 66. , français, latinRéférence RIM : M0_1399. Cote locale : B_10_29.

les sots & les meschans, estoient par ce moyen là
les maistres des biens & des dignitez Ecclesiastiques :
Ainsi le Christianisme estoit aux abbois, &
les Chrestiens à l’agonie. Les Curez ignorans, auares,
& occupez à toute autre chose qu’à leur
charge, auoient esté pour la plus part pourueus
de leurs Cures par des moyens illicites.
 
Les Cardinaux & les Euesques, ne font pas difficulté
de donner les Benefices qu’ils ne peuuent
pas garder pour eux, à leurs Maistre d’hostel, & à
leurs valets de chãbre, à leurs cuisiniers & à leurs
laquais, se rendant par ce moyen là odieux, & à
Dieu & aux hommes, & remplissant les dignitez
de l’Eglise d’vn nombre infiny de personnes indignes.
Si bien que Dieu irrité contre ces Demons
empourprez, semble preparer leur ruine,
par les mesmes moyens dont il se seruit quand il
voulut renuerser la grandeur du Royaume des
Iuifs, & les liurer à la mercy de la tyrannie estrangere.
La dissolution des Ecclesiastiques fut cause de
la naissance des heresies, il n’y a donc que la reformation
qui les puissent esteindre, contraria contraijs
curantur, dit le Maistre de l’Eschole : C’est
pourquoy si vous vous estes autrefois laissés vaincre
à vos ennemis, tachez de les defaire presentement
auec les armes de l’amour de Dieu & de la
charité Chrestienne, la bonne vie persuade bien
mieux que le discours, & le tranchant de l’espée