[retour à un affichage normal]

Mazarinade n° B_10_29

Image de la page

Anonyme [[s. d.]], LE FLEAV DE L’ESPRIT DE DIEV, SVR LES MINISTRES à deux Cœurs, à deux Maistres, & à deux Visages. "Le Seigneur veut que l’hypocrisie de ceux qui se glorifient en luy, pendant qu’ils le nient par des actions publiques, soit franchement reprise & hautement condamnées par les veritables Euangelistes de sa parole eternelle." Esaye 48. 58. & 66. , français, latinRéférence RIM : M0_1399. Cote locale : B_10_29.

les biens perissables. O cœurs endurcis ! dessilez
les veux à ce que vous faites. Empeschez que la
beste de l’abysme, ne vous fasse pas dauantage la
guerre, afin que vous ne tombiez mort pour iamais.
Faites que ce monstre à dix diademes ne
vous fasse pas adorer son dragon, ny blasphemer
dauantage contre cette prouidence qui vous a
honorez de son ministere. Ne soyez pas comme
ce faux Prophete qui fut ietté dans vn estang de
feu de soulfre. Ne faites plus transgresser les peuples
par vos impietez aussi que les sacrificateurs
Ophny & Phinées faisoient autrefois à la porte
du temple. Le mesme esprit qui suscita Elie à la
porte de ceux de Baal, pourroit bien susciter les
peuples à la vostre.
 
Les Colomnels les Vitellesques & les Caraffes
ont esté des grands Ministres d’Estat pour le seruice
de leurs maistres. Mais celuy qui a le mieux
fait de tous, c’est le Cardinal de Richelieu, si on
peut dire du bien d’vn homme qui quitte le seruice
de Dieu pour se mesler des affaires du monde.
Il est vray qu’il fut ambitieux iusques au dernier
point ; car pour n’estre que le cadet d’vne
maison de Gentil-homme, il ne cessa iamais
qu’il ne fut Cardinal, Duc & Pair de France,
Grand Maistre & Sur Intendant General de
la Nauigation & Commerce de France, Lieutenant
general pour le Roy en Bretagne, & si fort
maistre de l’esprit de son Souuerain, qu’il faisoit
toutes les fonctions de Roy ; cependant que le