[retour à un affichage normal]

Mazarinade n° B_10_29

Image de la page

Anonyme [[s. d.]], LE FLEAV DE L’ESPRIT DE DIEV, SVR LES MINISTRES à deux Cœurs, à deux Maistres, & à deux Visages. "Le Seigneur veut que l’hypocrisie de ceux qui se glorifient en luy, pendant qu’ils le nient par des actions publiques, soit franchement reprise & hautement condamnées par les veritables Euangelistes de sa parole eternelle." Esaye 48. 58. & 66. , français, latinRéférence RIM : M0_1399. Cote locale : B_10_29.

des mauuais exemples, & fait qu’on n’en
croit Presque pas vn de bon parmy ce nombre
infiny qu’il y en a sur la terre. Leur faineantise
est cause de leur mal-heur, & l’on ne deuroit
iamais donner vn Ordre si sacré que celuy là,
qu’à des hommes qui fussent tres-sçauants,
tres-hommes de bien, & tres auancez dans
l’âge. L’on ne se sçauroit empescher d’auoir
du mépris pour les choses qui sont trop communes,
& qui ne produisent que des mauuais
effets, c’est pourquoy l’on n’en deuroit pas
tant faire comme l’on en fait, & ceux qui prostituent
ces dignitez en respondront deuant
Dieu comme d’vn tres-grand crime. Et comme
il y en est plus d’ignorans & de malicieux
que de sçauans & de raisonnables, il faut conclure
de là que ce n’est pas tant ny la pieté, ny
le zele, ny la deuotion, ny la gloire du Seigneur
qui les appelle à cette dignité, que le desir qu’ils
ont de faire barbe de paille à Dieu, & d’attraper
les biens de l’Eglise. Ostez le benefice de
la condition, vous leur ostez la volonté d’en
ester. Mais il faut qu’ils sçachent que le meschant
se ruine par son propre conseil : que leurs
sacrifices sont polluez comme ceux des Iuifs,
qu’ils sont abominables à Dieu, & qu’ils sont
reprouuez si tost qu’ils s’amusent à violer l’alliance
du mariage spirituel : Que ceux qui sont
esleuez dans les dignitez Ecclesiastiques doiuent