[retour à un affichage normal]

Mazarinade n° B_16_55

Image de la page

Anonyme [1652], LE FRANÇOIS DES-ABVSÉ, MONSTRANT LES MOYENS infaillibles pour establir & affermir la veritable paix dans l’Estat. , françaisRéférence RIM : M0_1410. Cote locale : B_16_55.

plus trauailler : Non ceux la, à cause de la facilité & douceur
qu’ils trouueront à vsurper le bien d’autruy : Non aussi ceux-cy,
pource que le fruict de leur trauail ne leur sera pas asseuré,
estant exposé à des rauisseurs : Et peu de personnes se marieront
à faute de voir vn establissement asseuré pour l’entretien
de leurs familles.
 
On peut cõnoistre l’extreme consequence de cet inconuenient,
& quel domage il produiroit, si on considere le malheur
des Espagnes : Car bien qu’il y ait des contrées arides
& infertiles, il y en a tant d’autres graces & de bon rapport,
qu’il y peut croistre dix fois autant de bleds qu’on sçauroit y
en consumer : Et toutesfois elles ne peuuent nourrir leurs
peuples, sans le secours des pays estrangers, & leur Roy est
contraint de chercher iusques dans les Indes l’argent qu’il
deuroit leuer sur ses Sujets desquels aussi il ne peut faire que
des armées tres-mediocres, ny empescher les Estrangers
d’entrer sur ses terres les plus forts. Or si on recherche bien
soigneusemẽt la cause de cette foiblesse, on trouuera qu’elle
vient principalement d’auoir imposé ioug aux consciences,
captiuité les esprits, & fait regner l’inquisition, par laquelle
on y a proscrit & exterminé tant de personnes, & desolé tant
de maisons & familles qu’auec ce que plusieurs en sont sortis
pour chercher autre part le repos & la liberté, le peuple en
a diminué d’vn tiers : Et d’ailleurs aussi les Ecclesiastiques s’y
sont par trop authorisez, ce qui a fait que trop de gens se
sont faits de cet Ordre, ne trouuans point de condition plus
douce, n’y si respectée & ainsi le marige a esté negligé, qui
est la pepiniere de l’Estat, & le trauail méprisé, qui est la
source de l’abondance : Encor auec tout cela, n’y a t’on peu
entierement extirper la nouuelle Religion, ains l’exercice
s’y vn fait encor en secret dans leurs meilleures villes.
Aussi l’Empereur & les autres Princes de la Maison d’Austriche
ont tres-bien reconnu le manquement de cette Politique :
Car quoy qu’ils visent à mesme but que ce Roy qui
est leur Chef, ils se sont accommodez auec les Protestans,
& les fouffrent en plusieurs de leurs pays sous des cõditions
douces & bien reglées, & en dernier lieu, ils les ont faits