[retour à un affichage normal]

Mazarinade n° B_8_10

Image de la page

Anonyme [1652 [?]], LE GRAND DIALOGVE DE LA PAILLE ET DV PAPIER, CONTENANT CE QVI CE peut dire de plus considerable sur ces deux sujets, auec leurs raisonnemens sur les affaires d’Estat, le tout en stile vulgaire. PREMIERE PARTIE. , françaisRéférence RIM : M0_1508. Cote locale : B_8_10.

veux bien que tu sçaches que ny luy ny les siens,
suiuant leur coustume, ne me mettent en parade
sur leur chapeaux, que pour me ietter apres dans
le feu, & m’employer au plus vil office de tous. Ils
disent aussi que ie ne suis bon qu’à faire des allumettes,
& que i’en ay seruy par toute la France pour
eschauffer la guerre qui s’est emeüe contre luy ;
c’est pourquoy qu’aucun ne s’y fie, ie t’en aduertis
de bonne heure, ou qu’ils sçachent qu’ils n’en auront
pas meilleur traitement que moy, mais toy
Commere la Paille, cõment te trouue tu de la courtoisie
& de la belle humeur de ces Princes & de ces
Princesses, qui t’ont choisie pour arborer leurs trophées ?
Es tu plus heureuse en ce rencontre que
ie ne suis, dois je porter enuie à ton bon-heur ?
 
La Paille. Voyla certes encore vne belle demande
pour vn vieux Rodrigue comme toy, ne vois-tu
pas bien à ma mine que i’ay mon compte, & que
ie suis satisfaite de tout point ? aussi quel honneur
plus grand me pouuoit-il arriuer ? de grands Princes
& de belles Princesses me caressent comme leur
confidente & leur bonne amie, & se sont mis sous
ma protection, ils sont cause que tout le monde
pour l’amour d’eux, me fait feste, & que qui ne me
veut receuoir passe pour schismatique & pour excommunie.
Iamais enfin, comme tu disois tantost,
ie ne me vis en telles nopces. Mais sur tout, c’est vn
rauissement pour moy, de voir comme on m’exalte
sur le Pont neuf, & par tout ailleurs, dans Paris &