[retour à un affichage normal]

Mazarinade n° B_20_34

Image de la page

Anonyme [1652], LE HARAVT FRANCOIS SVR LA TIRANNIE, FAISANT VOIR QVE NOVS mourrons plustost que de consentir à son restablissement si nous considerons, I. Que la Reine ne peut se restablir sans nous destruire. II. Que son retour doit estre accompaigné de celuy de la mal toute. III. Que la presence de la Reine & de son Mignon, est incompatible auec celle des Princes, sans méfiance. IV. Que la Reine & son fauory ne peuuent se restablir sans nostre decry. V. Que la presence de la Reine & de son Mignon, sera l’eternel pretexte de ceux qui voudront broüiller. VI. Et que la France est perduë, si la France ne perd la Reine, & son fauory. , françaisRéférence RIM : M0_1617. Cote locale : B_20_34.

que nous sommes ennemis de nostre repos, si
nous ne conspirons generallemens auec Messieurs
les Princes pour ne permettre iamais que
ce tyran reprenne l’administration des affaires
de nostre Estat.
 
V. Pour perdre le Mazarin par vne cinquiesme
raison, ie croy que c’est assez, d’aduancer
que l’honneur de l’Estat est engagé à le destruire ;
& que nos ennemis auroient grand suiet
de se preualoir de l’idée que nous leur donnerions
de nostre foiblesse, si ce tyran, estoit assez
fort & assez adroit pour faire auorter à nostre
confusion, la conspiration generalle que nous
auons fait pour en desamparer cét Estat.
Premierement il n’est point d’estranger qui
ne sçache que leurs Maiestez ont donné contre
ce Cardinal trois Declarations Royalles ; que ces
mesmes declarations ont esté verifiées par Arrest
de toutes les Cours Souueraines de la Monarchie,
que S. A. R. & Messieurs les Princes du
Sang se sont ouuertement declatez contre luy ;
& que tous les peuples se sont vnanimement
sousleuez pour s’en deffaire, a la reserue de certains
qui ont esté assez laches pour se laisser corrompre
par les allechements trompeurs de ses
recompenses.
Est-il d’estranger qui ne iuge en suite de ce