[retour à un affichage normal]

Accueil > recherche > Affichage d'une occurrence en contexte

Mazarinade n° B_8_15

Image de la page

Anonyme [1652 [?]], DEVXIESME LISTE CONTENANT Les Noms de ceux qui estoient en l’Assemblée faicte le Mardy xxiv. Septembre 1652. au Palais Royal. , françaisRéférence RIM : M0_1069. Cote locale : B_8_15.



IL eust esté grandement difficile de reconnoistre
dans Paris le grand nombre de personnes
de tous estats qui tiennent le party du
Cardinal mazarin, pource qu’il n’y a Compagnie
ny Communauté qui ne s’y en trouuent, &
qui ne sçauent les lieux où ils se doiuent assembler,
& n’eust esté celle du vingt-quatriesme Septembre
au Palais Royal au sceu & veu d’vn
chacun on ne les eust peû connoistre comme on
a fait par aucuns de cette Assemblée qui en ont
eu la connoissance & veu les Registres où ils sont
nommez & declarez : ce qui a grandement seruy
pour en faire la recherche & les informations
selon l’Arrest de la Cour de Parlement
du vingt-sixiesme Septembre dernier. Ce qui
baille de la retenuë à beaucoup de telles personnes,
& empesché la continuation de telles
Assemblées, & se tiennent à couuert, neantmoins
on n’a pas laissé de proceder aux informations
par les quartiers de la ville & fauxbourgs,
où se trouuent ceux qui sont nommez dans les
Listes, & sans cét ordre donné cela eust fait naistre
vne sedition dangereuse par tout Paris, puis
que telles Assemblées ne tendoient à autre fin
depuis vn si long-temps premeditée, & à laquelle
il est grandement necessaire de pouruoir,
pour preuenir telles entreprises.