[retour à un affichage normal]

Accueil > recherche > Affichage d'une occurrence en contexte

Mazarinade n° B_4_14

Image de la page

Anonyme [1652], LE MANIFESTE DE LA REYNE, SVR LE RETOVR DV CARDINAL MAZARIN ET LES AFFAIRES du temps. , françaisRéférence RIM : M0_2359. Cote locale : B_4_14.


dans le plus fort de leur crise :
Neantmoins la prudence qui y fut apportée
auec la continuation de tant de prosperitez, a
causé autant de terreur aux ennemis de l’Estat,
que d’estonnement à tout le reste de l’Europe.
 
Ces auantages signalez ont non seulement
de beaucoup augmenté l’estenduë de la domination
Françoise, mais aussi ont donné vn
grand poids aux affaires des alliez de la Couronne,
& par vn dernier bon-heur ont enfanté
la paix d’Allemagne, d’autant plus aduantageuse
à l’Estat, que par le moyen d’icelle, toutes
les places de çà & de là le Rhin ont esté mises à
couuert, & auroient grandement contribué à
la paix generale, & au repos de la Chrestiente
si la continuation d’iceux n’eust point esté interrompuë
par l’ambition de ceux à qui la longueur
de nostre Regence estoit ennuyeuse, lesquels
sur les dernieres années d’icelle, au lieu de
nous donner moyen de la paracheuer aussi heureusement
qu’elle auoit esté commencée,
prirent resolution de nous chocquer ouuertement,
ensemble l’authorité Royale, qui estoit
deposée en nos mains par vne declamation publique
contre nostre conduite, & celle du Cardinal
Mazarin, auquel nous auions confie le
principal maniment des affaires, bien que nostre