[retour à un affichage normal]

Mazarinade n° B_4_14

Image de la page

Anonyme [1652], LE MANIFESTE DE LA REYNE, SVR LE RETOVR DV CARDINAL MAZARIN ET LES AFFAIRES du temps. , françaisRéférence RIM : M0_2359. Cote locale : B_4_14.

rang & les soins continuels par nous apportez
au precedent, pour maintenir le tout dans
l’vnion des esprits, & la tranquillité de l’Estat
eussent merité sans contradiction vne submission
entiere à toutes nos volontez.
 
Ce n’est pas seulement en la personne du
Cardinal Mazarin que l’authorité Royale a esté
blessée : car chacun sçait ce qui s’est passé à l’occasion
de l’exil de Broussel, qui s’est passé à l’occasion
de l’exil de Broussel, qui auoit esté resolu
au Conseil durant nostre Regence, comme
necessaire à l’aduancement des affaires de l’Estat,
& que de viue force, pour euiter l’orage qui
nous menaçoit par la fureur d’vn peuple irité,
nous fusmes contraincte de rendre la liberté à
cét homme, auec d’autant plus de mécontentement
pour nous, qu’elle fut suiuie d’vn aplaudissement
general du public, qui l’a du depuis
tousiours regardé comme son protecteur & liberateur
de la Patrie. Veritablement ce premier
coup nous fut d’autant plus sensible qu’il estoit
moins preueu, lequel voulant reparer, il fut iugé
necessaire de quitter Paris, & de transferer le
Roy à sainct Germain en Laye, & en mesme
temps de former vn blocus de cette ville capitale,
dans lequel dessein il nous sembloit estre
d’autant plus certaine de reüssir que la plus grande
part des Princes & Grands de l’Estat estoient
de nostre party, & particulierement ceux qui