[retour à un affichage normal]

Accueil > recherche > Affichage d'une occurrence en contexte

Mazarinade n° B_16_52

Image de la page

Anonyme [1652], LE MANIFESTE DE LA VILLE D’ORLEANS PRESENTÉ A SON ALTESSE ROYALE, Où il est monstré que pour auoir bien tost la Paix, il est necessaire de se declarer contre le Mazarin, à l’imitation des habitans de ladite Ville d’Orleans. , françaisRéférence RIM : M0_2361. Cote locale : B_16_52.


est suffisamment iustifié dans les œuures de Cezar,
ou ce grand homme tesmoigne que de tous les
peuples Gaulois, il n’y en auoit point qui eussent
tant de peine à subir le joug de la domination des
Romains que ceux de la ville d’Orleans, & defait
à la premiere occasion qui leur parut fauorable,
ils furent les premiers qui donnerent le bransle par
leur exemple à tout le reste des Gaules pour secoüer
le ioug de l’Empire Romain, en suitte dequoy
s’estans alliez, ou pour mieux dire vnis auec
les francs sous la conduitte de Meroüée leur Roy,
dont la Monarchie estoit fondée sur la liberté &
franchise de ses subiets, de laquelle il estoit le protecteur
& deffenseur, & à cause dequoy le nom de
François leur est demeuré, ils ont tousiours conserué
vne entiere fidelité à tous les successeurs Rois,
soit dans la premiere, seconde ou troisiesme race.
Ce qui a obligé plusieurs d’entre eux de remunerer
cette ville (à laquelle l’Empereur Charles
Quin donna le surnom de Belle sur toutes celles
des Gaules) de beaux & excellens priuileges sur
tout Charles VII. ne si est pas espargné en consideration
de la generosité & grande valleur que ces
habitans firent paroistre contre les Anglois qui
s’estoient emparez de la plus grande partie de l’Estat,
les quelles poursuiuant leurs conquestes auoient
assiegé ladite ville d’Orleans, d’où ils furent
desliurez par vn effort digne du courage de si braues