[retour à un affichage normal]

Mazarinade n° B_8_39

Image de la page

Anonyme [1652 [?]], LE MANIFESTE DE MONSEIGNEVR LE DVC DE GVISE. Touchant les particularitez de son emprisonnement, & les raisons de sa ionction auec Monsieur le Prince. , françaisRéférence RIM : M0_2369. Cote locale : B_8_39.

point les ressentimens, & que ce seroit
par vn simple motif espuré de toute sorte d’attachement
pour ce qui me touche, que ie me porterois
auec tant d’ardeur contre le tyran des peuples.
Cette esleuation de genie, quelques serments
que nous en fasse l’histoire pour nous faire conceuoir
quelque belle idée de ses genereux desseins, n’a
iamais paru que dans les Romains, c’est à dire dans
les fictions des Poëtes, & les naturels les plus esleuez
par dessus le commun ne se sont iamais portez toute
au plus, qu’à menager si adroitement leur conduite,
que leurs interests particuliers y fussent inseparables
d’auec les Generaux, & que les affaires de leur maison,
marchassent incessamment de pair auec celles de
la republique.
 
Si ie pretends allier mes forces auec toutes celles
de l’Estat, pour exterminer toute la mal-heureuse
engeance des Mazarins, ie confesse bien que le premier
& le plus illustre motif qui me pousse à cette
entreprise, m’est inspiré par la passion que i’ay, de
voir puis apres refleurir la liberté publique sous
la debonaireté de nos monarques. Mais si pour
soustenir plus eficacement la iustice de ce motif,
i’adiouste encor que celuy d’espouser la querelle des
Princes, m’engage tres sensiblement au commun
dessein de ruiner la fortune de leurs ennemys, ie
pense que ie n’en dois point moins estre estimé par
aucun homme de sens, puis que ceste consideration
quoy que particuliere bien loing de retarder les
desseins, generaux seruira plutost pour les auancer
auec plus de succés.