[retour à un affichage normal]

Mazarinade n° B_8_39

Image de la page

Anonyme [1652 [?]], LE MANIFESTE DE MONSEIGNEVR LE DVC DE GVISE. Touchant les particularitez de son emprisonnement, & les raisons de sa ionction auec Monsieur le Prince. , françaisRéférence RIM : M0_2369. Cote locale : B_8_39.

plus en impatience, que d’y voir terminer son
empire, pat vne main basse generalle de tous ceux
qui s’efforçoient encor de l’y maintenir, & de voir
donner enfin le coup de grace à cette fierté naturelle,
qu’ils ne laissoient pas de faire encor éclater
auec autant de faste, que si les dernieres conclusions
de leur estat, n’eussent point monstré qu’il estoit
reduit aux abois.
 
Cette agonie d’Espagne pratiquée par la politique
du Cardinal de Richelieu, aussi bien que les
Schismes de Portugal & de Catalogne, n’eut pas
manqué de reussir à vn dernier desastre, si le Mazarin,
qui n’a iamais regardé nos aduantages qu’auec
desespoir, se rencontrant iniustement pourueu
de la charge de premier Ministre d’Estat, ne se
fut resolu, de r’asseurer cette Couronne sur la teste
de son Prince naturel, par vne trahison d’autant
plus horrible, que plus il estoit obligé, pour recompenser
la faueur de France ; de la reconnoistre
du moins par la fidelité de ses seruices.
Quoy qu’il en soit, il ne se seruit de ces belles
aparences de nostre agrandissement, que pour en
faire les derniers escueils de la fortune de ceux qui
luy pesoient sur les bras, & pour y faire perir auec la
iustice de nos esperances, la plus belle eslite des
grands que sa ialousie luy faisoit regarder, comme
les eternels obstacles de son ambition, sans autre
dessein cepẽdant que de laisser égorger tout à loisir
ces pauures Peuples, pendant qu’ils ne seroient
occupés qu’à nous tendre les bras, pour nous appeller
à leur secours, & à nous soumettre leurs testes,
pour receuoir l’honneur de nostre ioug.