[retour à un affichage normal]

Mazarinade n° B_8_39

Image de la page

Anonyme [1652 [?]], LE MANIFESTE DE MONSEIGNEVR LE DVC DE GVISE. Touchant les particularitez de son emprisonnement, & les raisons de sa ionction auec Monsieur le Prince. , françaisRéférence RIM : M0_2369. Cote locale : B_8_39.

Ce mauuais Ministre eut bien volu esblouyr les
yeux du Prince de Condé des belles apparences de
cette illustre conqueste, dont il ne manqueroit pas
de luy exagerer pompeusement tous les aduantages,
en luy faisant entendre, que la gloire l’inuitoit de
couronner le reste de ses victoires par le triomphe
d’vn Royaume entier, & qu’il se mettroit en estat de
ne trouuer point de Capitaine qui peut marcher de
pair auec luy, s’il auoit le bon-heur de reprendre les
conquestes de Pepin & de Charlemagne ; pour lesquelles
il luy faisoit faussement esperer qu’il ne manqueroit
pas de luy procurer toute sorte de secours,
auec asseurance mesme que si sa fortune luy en disoit
dans cette entreprise, il ne permettroit iamais, que la
Couronne en fut transporté à d’autre teste qu’à celle
du vainqueur. La trahison que ce perfide luy ioüa
puis apres dans la Catalogne ne fit voir que trop éuidemment,
que ses promesses estoint bien esloignées
de ses intentions, & qu’il n’auoit de plus forte passion
que de se défaire au plustost de celuy dont l’authorité
deuoit brider la sienne dans le maniment des affaires
d’Estat. Aussi ne remporta t’il point d’autre fruit de
la proposition qu’il luy en auança que celuy de se voir
rebuté auec desdain, & de se voir obligé à confesser
par la response qu’il fit à la proposition de la conqueste
de la franche Conté, qu’en effet il n’auoit
voulu s’engager à cette belle entreprise qu’à dessein
de l’y faire perir.
Mon absence luy donne plus de prise pour faire
triompher la haine, qu’il fomentoit secrettement
contre moy, & le seiour que ie faisois pour lors dans
la Ville de Rome, la fauorisa d’autant plus heureusement,