[retour à un affichage normal]

Mazarinade n° B_5_50

Image de la page

Anonyme [1652], LE MANIFESTE DE MONSEIGNEVR LE DVC D’ORLEANS, AVEC LES CONSPIRATIONS DV Cardinal Mazarin, découuertes par son Altesse Royale, enuoyées aux bons François. ET LA PRISE DE QVATRE cent Casaques. , françaisRéférence RIM : M0_2366. Cote locale : B_5_50.

la vraye Politique, à la sincerité de la Morale, & à la
Saincteté de la Theologie. Deplus la malice a tellement
aueuglé leur esprit, qu’ils ont pris à rebours
le sens de la maxime de Machiauel mesme. Il est
vray que cét homme met en auant qu’vn Souuerain
ne doit pas tousiours tenir sa parole, Mais c’est seulement,
dit-il, dans vne extréme necessité, & quand il
ne peut faire autrement sans perdre son Estat, qu’il
peut manquer de promesse, sa conduite se iustifiant
assés d’elle mesme. Car le Souuerain adjouste, il ne
doit rien estimer de plus sainct, & de plus sacré, que
d’estre infaillible en toutes ses promesses, & que
c’est par cette sincerité qu’il doit gaigner vn Empire
sur les cœurs de tous ceux qui negociẽt auec luy. Or
qui ne voit que le rappel d’vn homme banni pour
ses crimes, & declaré Criminel & Perturbateur du
repos Public, par la bouche de Nostre Monarque, ne
peut apporter que du trouble dans son Estat, bien
loin de luy estre profitable. Qui, ie vous prie, force le
Roy à faire contre sa Declaration, & à ne tenir pas sa
parole? Cet homme qui a dissipé ses Finances, ruiné
son Peuple, allumé la guerre dans son Royaume, aliené
par son mauuais gouuernement cette amour qui
porte ses Sujets jusques à la veneration de sa Sacrée
Personne : Peut-il l’obliger à renuerser les Loix que
sa Iustice a establies ? Non, non, bien loin d’estre cõtraint
au rappel de cét hõme exilé & proscript, personne
ne desire son retour que ceux qui sacrifient sa
Couronne à leur ambition ou à leur vengeance. Si le
salut de l’Estat est la Souueraine Loy & le bon-heur