[retour à un affichage normal]

Mazarinade n° B_14_29

Image de la page

Anonyme [1652], LE MANIFESTE DE MONSIEVR DE CHASTEA-VNEVF Touchant les raisons de sa retraite hors de la Cour. , françaisRéférence RIM : M0_2374. Cote locale : B_14_29.

l’experience de ce qui leur seroit visible.
 
On a beau mettre dans l’euidence les plus inuincibles
raisons du monde ; la passion est tousiours à l’espreuue ;
& lors qu’vn esprit se trouue preocupé par
les sentimens de cette desesperée, le iour mesme,
qui n’est point complaizant à sa veüe, est obscur,
parce qu’il l’esbloüit ; & les plus esclatantes veritez, ne
luy paroissent que comme des mensonges, par ce
qu’elle establit tous ces raisonnemens sur des principes
contradictoirement opposez aux maximes du sens
commvn. Si la Reyne se fut des-interessée, pour
pour n’attendre de moy que les conseils que i’eusse
iugé les plus conformes à l’estat present des affaires,
n’eut-elle point ployé sous la force de ce raisonnement :
Mais le grand attachement qu’elle auoit pour
le retour du. C. Mazarin, luy faisoit regarder tous les
aduis qui la porteroient au contraire, comme des
pieges qu’elle pretendoit estre dressés à sa simplicité &
contre lesquels elle se premunissoit incessamment. De
peur de se voir enfin obligée de succomber à leur éuidence,
par le manquement de toute sorte de raison
pour y pouuoir contredire.
Ie me fusse neantmoins promis de la iustice de la
Reyne, que les oppositions que ie formois à ce restablissement,
n’eussent point esté rebutées auec tant de
mespris ; si ceux qui l’obsidoient auec plus d’empire,
parce qu’ils la conseilloient auec plus de complaisance,
ne luy eussent fait entendre par vn raisonnement surprenant
autant que malicieux ; que l’occasion estoit
trop fauorable pour rapeller le C. Mazarin auec toute
sorte de succez : que ces premiers aduantages dont les
armes de sa Majesté venoient d’estre fauorisées, auoiẽt
porté tant de terreur & d’effroy dans le party de M. le
Prince, qu’on estoit presque à la veille de le voir, abandonné
par vne desertion generalle de tous ceux qui s’y
estoient engagez, & que pour cét effet il estoit important
de haster le retour du C. M. lequel suruenant dans
cette conjoncture, auec les troupes qu’il tenoit, toutes