Accueil >
recherche > Affichage d'une occurrence en contexte
Mazarinade n° B_20_11
Image de la page
Anonyme [1651 [?]], LE MANIFESTE DV CARDINAL MAZARIN LAISSÉ A TOVS LES FRANCOIS auant sa sortie hors du Royaume. Contenant vne exact abregé de toutes les actions de son Ministere. Répondant à tous les chefs d’accusation qu’on luy a obiecté. Descouurant les motifs, les intrigues & la politique, dont il s’est seruy pour entreprendre, pour conduire, & pour establir tous ses desseins. Et le tout, sans que le Parlement, les Frondeurs, les Partizans des Princes puissent s’inscrire en faux, contre pas vne de ses propositions. Nonne morituro licet vni dicere verum Iuu l. 3. , françaisRéférence RIM : M0_2390. Cote locale : B_20_11.
leur eussent donné le loisir de me regarder
auec enuie.
Mais il n’est que les seuls interessez au party du
Prince de Condé, qui me chargẽt du crime de l’auoir
trahy dans l’entreprise du siege de Lerida : le
nombre de ceux qui m’ont soubçonné d’intelligence
auec l’Espagne, apres l’afront d’Orbitello
où l’Admiral perit, & la reprise de Courtray, m’estonneroit
encore d’auantage, si la pluspart ne sçauoit
que mes interests, & mes complaisances font
mon Appologie sur ce suiet ; & que si les pretensions
que mon ambition pouuoit auoir sur cette
contrée d’Italie ne me permettoient pas d’y seconder
les desseins de la France ; Les complaisances
que ie deuois aux inclinations de celle
dont la seul faueur faisoit toute ma fortune,
m’ordonnoient de ne m’opiniastrer point à conseruer
vne place, qui pouuoit autant brider les
seruer vne place, qui pouuoit autant brider les
desseins d’Espagne, que fauoriser toutes les entreprises
que la France pouuoit faire sur les Pays-bas.
C’est vne folie qui ne peut estre receuë que parmy
les Sages des escholles, que de vouloir entierement
desinteresser vn Ministre, pour ne luy permettre
d’agir, que par les seuls principes generaux,
& le vouloir tellement assuiettir à la consideration
du bien de l’Estat, qu’il ne luy soit iamais
permis de se regarder que par reflection. Ces