[retour à un affichage normal]

Accueil > recherche > Affichage d'une occurrence en contexte

Mazarinade n° C_4_51

Image de la page

Anonyme [1649], LE MATHOIS OV MARCHAND MESLE PROPRE A TOVT FAIRE. En Vers Burlesques. , françaisRéférence RIM : M0_2420. Cote locale : C_4_51.



Et toutes sortes de mesnage,
Bonnets, chappeaux, bref ie fais rage :
Quand ie me mets à trauailler,
Ie sçay endormir l’oreiller,
Faire licts, remuer la plume
Frapper au besoing sur l’enclume,
Pour faire cousteaux bien tranchans.
Ie sçay desrober les marchans,
Quand ils ont les yeux endormis,
Ie sçay garder moutons, brebis,
Pressoirer noix, pour faire l’huile,
Ie couure de chaume, & de tuille,
D’ardoise maisons & Chasteaux
Ie sçay bien tuer des pourceaux,
Et les saller en temps & heure,
Et faire sans nulle demeure,
Tonneaux, saloirs, barilz, bacquets
Ie sçay seruir aux grands banquets,
Besoguer d’or, d’argent, & soye
Ie cognois la fauce monnoye,
Et si fais faucilles & faux.
Ie suis bon marchand de cheuaux,
Ie fais espieux, haches & espées
Haurbergeons, ie fais des poupees,
Ballances, chaudieres & poinsons,
Ie prens en l’air les papillons,
Et si fais chapperons d’oyseaux
Ie crie vieux fers, vieux drappeaux,
Sauetier suis ou en partie.
Ie sçay bien chanter ma partie
Et me cognois à cuire pois,
Mestier n’y a dont ie ne sois
Ouurier, la chose est certaine :
Ie sçay carder, & filer laine,
Et si suis de puys bon cureur
Ie suis Aduocat, procureur,
Qui sçay parler diuers langages,
Nourrir oyseaux, faire des cages :