[retour à un affichage normal]

Accueil > recherche > Affichage d'une occurrence en contexte

Mazarinade n° B_18_3

Image de la page

Anonyme [1652], LE MERCVRE DE LA COVR, CONTENANT La Harangue des Deputez. La Response du C. M. La Trahison du Duc de Loraine. Le Magazin des Recompenses dudit C. M. Et celuy des Princes. TROISIESME PARTIE. , français, latinRéférence RIM : M0_2452. Cote locale : B_18_3.


dernier 21. Iuin 1652. I’en ay tant à dire, que
ie ne sçay par où commencer, c’est pourquoy il faut
que ie vous diuise mon discours par Chapitres, qui
feront autant de iournées.
 
La premiere iournée donc fut celle que i’arriuay
vers le soir ; dés la porte de la Ville i’entendis des
soldats Bourgeois qui se disoient l’vn à l’autre, nos
Mazarins s’assemblent demain, mais jarnigué il
n’an fau pa laissé la queuë d’vn s’y ne se declare
pour lé Princes : L’autre disoit, ils sont plus de
deux cens de nostre quartier qui porteront tous de
bons pistolets de poche & de bonnes bayonnettes,
pour poignarder tous ceux qui seront Mazarins.
Morgué, disoit vn autre, qui auoit le chapeau retroussé,
y a tro lon-tems que i’an souffron, fau-ty
tan de beurre pour faire vn quartron, y n’y a qu’a
allé dan leus maisons lé faire sauté comme dé crapaus,
& ietté tou par lé frenestres, i’an auon pus
d’vne douzene dan note quartié, ie lé connay tou
par nom & par sournom. les entendant ainsi parler,
ie baissay les oreilles & m’en allay tout doucement
en mon logis, où mon hoste me la donna
encore bien plus chaude, quand il me dit qu’vne
escoüade de Bourgeois estoient venus sçauoir s’il
n’y logeoit point de Mazarins chez luy, car mon
hoste à quelque doute que ie le sois, mais parce
que ie le paye bien & le fais boire tout son saoul,
nous sommes grands cousins, il me dit qu’il leur
auoit fait response, que s’il en reconnoissoit quelqu’vn