[retour à un affichage normal]

Accueil > recherche > Affichage d'une occurrence en contexte

Mazarinade n° B_18_3

Image de la page

Anonyme [1652], LE MERCVRE DE LA COVR, CONTENANT La Harangue des Deputez. La Response du C. M. La Trahison du Duc de Loraine. Le Magazin des Recompenses dudit C. M. Et celuy des Princes. TROISIESME PARTIE. , français, latinRéférence RIM : M0_2452. Cote locale : B_18_3.


tient ordinairement ces iours-là. Ie remarquay
seulement vne seule chose dans la ruë sainct Denis,
quantité de petits enfans crioient, comme ils ont
accoustumé, iettez, iettez du bois pour la saint Iean
d’Esté, vn Bourgeois de là bailla vn soufflet à vn,
disant petit coquin dites plustost, qu’on iette de
l’eau, n’y a-t’il pas assez de feux par toute la France,
sans en vouloir encore allumer ; & m’estant approché
de luy, ie luy demanday de quels feux il
entendoit parler, il me dit : ce sont des feux de la
saincte Anne, que nous reuerions autrefois, qui durent
encore à present : i’entendis bien ce qu’il vouloit
dire, c’est pourquoy ie me t’eus.
 
La cinquiesme iournée, qui estoit le Lundy,
chacun s’auertissoit l’vn l’autre pour vne si belle
assemblée, & se disposoit pour auoir l’vnion, chacun
parloit diuersement sur ce sujet.
La sixiesme iournée, qui estoit le Mardy, iour
de l’assemblée, Messieurs les Mazarins estoient bien
empeschez : ils furent au Palais bien matin, deuant
que les Bourgeois fussent réueillez : ils mirent garnison
de bons garnemens dans la Cour du Palais,
pour garder les procez : mais les Bourgeois d’alentour
voulurent seulement garder les auenuës à
cause de leurs maisons. Enfin l’assemblée fut souuent
interrompuë par des alarmes qu’on leur donnoit,
sur le bruit que les Bourgeois faisoient courir,
qu’à moins que de se declarer contre Mazarin
qu’ils ne deuoient iamais esperer de sortir. Le sieur