[retour à un affichage normal]

Mazarinade n° B_18_3

Image de la page

Anonyme [1652], LE MERCVRE DE LA COVR, CONTENANT La Harangue des Deputez. La Response du C. M. La Trahison du Duc de Loraine. Le Magazin des Recompenses dudit C. M. Et celuy des Princes. TROISIESME PARTIE. , français, latinRéférence RIM : M0_2452. Cote locale : B_18_3.

à S. Germain ou à Fontaine-Belleau, & ie croy
que vous ne manquerez pas de le suiure, & cependant
nous laisserons dissiper ces vapeurs exalées par
la fureur du peuple, & qui nous menaçoient de
l’orage, & puis nous retournerons à Paris, comme
si de rien n’estoit.
 
Le M. Ce n’est pas mal-auisé, & vous Monsieur,
que vous en semble.
Le Bor. Monsieur ie ne trouue pas cet expedient-là
mauuais.
Mais si auparauant cela, nous tentions de deffaire
les troupes des Princes, on dit qu’elles sont
foibles, si cela arriuoit, nous aurions encore bien
meilleur marché des Parisiens.
Voila le secours de Senneterre, qui est de dix-huit
cens hommes, ou plustost dix-huit cens Diables ;
car ils enragent de se battre. Ie sçay bien que
l’Hostel de Ville est pour nous, sur le bruit qu’on
a fait courir que le Roy venoit à Paris, & vous
enuoyer pour quelque temps dehors prendre l’air
de l’Alemagne, celuy-cy vous estant contraire. Pour
se piquer d’auantage de respect enuers le Roy, ils
ont resolu de receuoir sa Majesté, sans condition,
auec qui il luy plairoit, cela nous doit toucher beaucoup
à les bien traicter, auec cela nous auons fait
courir vn autre bruit que la Paix estoit faite, & que
mesme Monsieur le Prince en auoit presenté les
articles à S. A. R. laquelle a seulement insiste sur
celuy-là, qui est, que le Roy entend, que Monsieur