[retour à un affichage normal]

Mazarinade n° A_6_32

Image de la page

Anonyme [1649], LE MINISTRE D’ESTAT RESTABLY ET IVSTIFIÉ. , françaisRéférence RIM : M0_2471. Cote locale : A_6_32.

tout le Royaume, plus que toures les autres choses du
monde : Ainsi secrettement il consacra son ame & son
cœur pour le seruice d’vn Estat, qui luy sembloit plus
glorieux, & meriter mieux que tous les autres.
 
Il en donne d’assez amples preuues, lors que l’Empereur
& le Roy d’Espagne, ayans ioints leurs forces ensemble
pour détruire le Duc de Mantouë, & d’autrés
Princes les alliez de la France, firent assieger Cazal par
ce grand Capitaine le Marquis de Spinola auec vne puissante
armée, qui sema la terreur & l’effroy dans toute
l’Italie.
Le Roy Tres-Chrestien ne pouuant pas souffrir que
ses Alliez fussent opprimez sans se mettre en deuoir de
les secourir & croyant qu’il y alloit de l��honneur de sa
Couronne de maintenir ses Alliez, fit vn armement si
fort & si puissant, commandé par trois Generaux fameux
& experimentez, qu’en dépit du Duc de Sauoye, qui
voulut s’opposer à son passage, il força ses plus importantes
places, passa les Alpes, & fit marcher ses troupes
vers Cazal, qui estoit si pressé qu’il n’en pouuoit plus,
& estoit sur le poinct de se rendre. Le General Espagnol
sçauoit attaquer & deffendre des Villes, si Capitaine de
son temps l’entendoit ; il auoit pourueu à toutes choses
pour se rendre maistre de cette importante place, dont
il pensoit desia estre le vainqueur, lors que son Eminence
d’apresent, le Cardinal Mazarin, faisant renaistre en soy
cette forte inclination qu’il auoit pour la France, resolut
de l’en empescher par les traits de son esprit, dont il se
seruit fort à propos.
Nos trois Armées iointes ensemble estoient desia
proche de Cazal, resoluës de perir, ou de forcer les retranchemens
du Marquis, & luy faire leuer le siege de
deuant cette ville, quand le Cardinal Mazarin, qui auoit
desia fait plusieurs allées & venuës, & au siege, & à nos
Armées, representa auec tant de pieté & de compassion
le malheur qu’il préuoyoit arriuer de ce furieux choc,