Mazarinade n° A_6_32
Image de la page
Anonyme [1649], LE MINISTRE D’ESTAT RESTABLY ET IVSTIFIÉ. , françaisRéférence RIM : M0_2471. Cote locale : A_6_32.
dont il témoigna apprehender à ce Chef, que les François
fussent victorieux, attendu leurs grandes forces,
qu’il rendoit par son discours beaucoup plus puissantes
que celles de Spinola, & leur ferme resolution de vaincre
ou de mourir, que ce vaillant, & insigne Capitaine,
qui n’auoit iamais sceu que c’estoit, ny de terreur, ny
d’apprehension, craignit à cette fois d’estre surmonté.
Relaschant vn peu de sa vigueur accoustumee, & se laissant
tromper à la fausse opinion qu’il conceut, que l’entremetteur
fust plus Espagnol, que François, il arresta
dans son esprit, apres auoir consideré qu’il perdoit l’Estat
du Roy d’Espagne, s’il attendoit qu’on le forçast dans ses
retranchemens, & qu’on secourust la place assiegée, de
leuer le siege, plustost que de faire vne tentatiue, dont
l’euenement ne luy sembloit pas seulement douteux ;
mais encore funeste à son party, à sa gloire, & à sa repution.
Tandis les trois Armées Françoises auançans chemin
vers le Camp ennemy, & estans à la portée d’vn coup de
mousquet des retranchemens, cependant que l’Agent
François conferoit auec le Chef Espagnol, obligea celuy-là,
de quitter celuy-cy, pour s’aller opposer à la marche
de nos Troupes, & les prier de temporiser vn peu, &
iusques à ce qu’il eust acheué de resoudre le Marquis de
Spinola, qu’il auoit fort ébranlé, à leuer le siege.
Cette demande fut trop iuste, pour luy estre refusée,
il va derechef tout en sueur, & hors d’alaine, trouuer le
Marquis, auquel plus fort que iamais, il representa si
bien la victoire asseurée des François, s’il attendoit leur
attaque, veu leurs forces, plus grandes que les siennes,
& leurs gens frais & resolus, que ce grand Chef de guerre
se laissant charmer à l’eloquence de cet Orateur, aima
mieux preferer son salut à sa perte, & leuer le siege
volontairement, que d’y estre forcé, & taillé en pieces.
Ainsi sans coup frapper Cazal fut deliuré : car le Marquis
de Spinola faisant battre aux champs ; en bon ordre,
Image de la page