[retour à un affichage normal]

Accueil > recherche > Affichage d'une occurrence en contexte

Mazarinade n° A_6_15

Image de la page

Anonyme [1649], LE MIROIR A DEVX-VISAGES OPPOSEZ, L’VN LOVANT LE MINISTERE du fidele Ministre, l’autre condamnant la conduite du meschant & infidele vsurpateur, & ennemy du Prince & de son Estat. , françaisRéférence RIM : M0_2477. Cote locale : A_6_15.


qui fait iuger de son prix, & de sa beauté à l’aspect
du vice son antagoniste, decouure son esmail, & espanoüit
en fleur de beauté, plus la laideur du vice luy est
presente.
 
C’est le mesme du Ministere des Ministres des Princes,
bien differens & contraires, puis que les vns sont
chargez de loüãges publiques, les autres couuerts d’inuectiues
& d’imprecations, comme victimes d’execration
denoncees à la disgrace des peuples qui ressentent
le contrecoup.
Pour les preuues, ce n’est pas chose nouuelle qu’il se
trouue dans les Conseils des Roys & des Princes des
hommes tellement accõpagnez de belles parties, qu’ils
sont iugez dignes d’estre appellez aux charges plus eminentes
de leurs Estats, puis qu’ils sont capables de les
exercer, & d’en auoir la conduite : aussi leur sont-elles
legitimement octroyées par la liberalité Royale, en reconnoissance
de leurs merites & affection à leurs seruices.
Tels ont esté les Hephestions & Craterus aupres
d’Alexandre le Grand, les Agrippes & les Mecenas à
la Cour d’Auguste, ou Philippes de Comines dans les
Cõseils du Roy Louis XI. Le sieur Descures prés le ieune
Prince Charles, depuis Empereur & Roy d’Espagne.
Chacun sçait que les deux premiers estoient les plus
fideles Conseillers d’Alexandre : mais comme ce grand
Prince auoit excellé en generosité & grandeur de courage
au delà des autres, aussi ne s’en trouua-il point
de plus ambitieux, à cause de ce il s’estoit laissé aller à
des vanitez, non seulement plus extrauagantes : mais
plus pueriles & arides.
Il s’imaginoit quil estoit fils de Iupiter, & que Philippes
n’estoit que son pere putatif, & vouloit que tout le
monde le creust ainsi, & apres auoir faict ses grandes &
admirables conquestes, & subiugué tant de Nations en
si peu de temps, il commença tellement à se mescognoistre,
& à se laisser emporter par certains malheureux
flateurs, qu’il fit tout ce qu’il peut pour obliger &
forcer ses subiects de luy rendre des honneurs extraordinaires