[retour à un affichage normal]

Mazarinade n° C_6_21

Image de la page

Anonyme [1649], LE MIROIR DES SOVVERAINS OV SE VOID L’ART DE BIEN REGNER, ET QVELLES SONT LES PERSONNES qu’ils doiuent élire pour estre leurs Commensaux, leurs Domestiques, leurs Seruiteurs, leurs Conseillers, & leurs Ministres d’Estat. QVEL EST LE DEVOIR DE TOVS ces diuers esprits; & quelle doit estre leur recompense. , françaisRéférence RIM : M0_2478. Cote locale : C_6_21.

Pairs, qui remettent leurs robes, leurs bonnets
& leurs offices entre ses mains, & luy rendent
volontairement ses sceaux s’ils en sont honorez,
plutost que de verifier les concordats qui
blessent les priuileges & les libertez du Royaume.
Ainsi sans se mesler dans les factions ny
estrangeres, ny domestiques, ils s’exemptent
de faire aucune chose, ny contre l’Estat, ny
contre le Souuerain, ny contre leur conscience.
 
Leur souuerain bien est de s’exercer continuellement
à la contemplation des choses naturelles,
humaines, & diuines ; puis apres à l’action
des vertus morales, & de raporter tous
leurs dignes effects à la prouidence eternelle.
L’intelligence de l’homme consiste en sçauoir
en prudence, & en vraye Religion, l’vne regarde
les choses suiuantes, l’autre les naturelles,
& la troisiéme les diuines. La premiere montre
la difference du bien & du mal. La seconde
du vray & du faux ; & la derniere de la deuotion
& de l’impieté, & c’est à celle-cy qu’ils se
doiuent arrester plus qu’à pas vne de toutes
les autres. La terre enuoye ses vaperus vers le
Ciel, & le feu ne cherche qu’à retourner vers
son centre.
Toute sorte de deliberations ont leur temps