[retour à un affichage normal]

Accueil > recherche > Affichage d'une occurrence en contexte

Mazarinade n° B_14_42

Image de la page

Anonyme [1652], LE NOVVEAV FOVRRIER DE LA COVR, Reformant les autres logemens, & les accommodant mieux au temps & aux lieux, & logeant commodément ceux qui auoient esté oubliez. , françaisRéférence RIM : M0_2536. Cote locale : B_14_42.


Le nouueau Fourrier de la Cour, reformant les autres
logemens, & les accommodant mieux au temps
& aux lieux, & logeant commodément ceux
qui auoient esté oubliez.

Pvis que la Cour change souuent de quartier,
& que ce n’est pas d’aujourd’huy qu’on
a marqué les appartemens des personnes Illustres
qui la composent, dans les logis où pendent
pour Enseigne des Images qui se raportent
le mieux à l’estat de leur fortune presente, ou à leur
humeur : Il me doit estre permis d’encherir sur
celuy dont le caprice vient d’assigner la demeure
de chacun, en des lieux dont le sejour est mal agreable
à quelques-vns.
Et premierement, approuuant que nostre Estat
ait le Pont au Change pour son quartier, nous luy
auons de plus assigné ces logemens, la Desolation,
la Pomme de Discorde, & la Pille au Verjus, auec
l’Image saint Estienne & saint Laurens.
La France se tiendra quelque temps dans le
mesme sejour, où nous auons aussi marqué pour
elle le logis des Quatre-vents, & la Salemandre.
La Ville de Paris, au lieu de la Ville de Londres,
où quelques-vns vouloient establir son logement,
s’en passera pour cette fois, puis qu’elle commence
à prendre giste à la Resurrection.
Pour ce qui est du Roy, ne pouuant souffrir qu’il