[retour à un affichage normal]

Accueil > recherche > Affichage d'une occurrence en contexte

Mazarinade n° C_8_16

Image de la page

Anonyme [1649], LE PANEGYRIQVE DE MONSEIGNEVR, LE DVC DE BEAVFORT, PAIR DE FRANCE. , françaisRéférence RIM : M0_2661. Cote locale : C_8_16.



 
Pensez quel creue-cœur, c’est pour vostre aduersaire,
De voir que le contraire,
De ce qu’il proiettoit est tousiours arriué :
Quel despit n’a-il point ? de voir qu’il est priué
De ses desirs iniustes
Qu’il a tousiours tasché de faire executer,
Sans penser seulement ce qu’il pourroit couter,
Donnant (pour cet effet dangereux) force iustes.
 
 
Quoy, vouloir abolir ce genereux courage,
Plus prudent & plus sage
Que ne fut Alexandre, auec tous les Cesars,
Hannibal, Scipion, Fabius, le Dieu Mars ;
C’est chocquer la puissance
De la terre & des Cieux ; qui ne souffriront pas
Que par vn attentat on reduise au trespas
L’vnique protecteur du Royaume de France.
 
 
Comment puniroit-on cet enorme malice,
Quel rigoureux supplice
Payeroit iustement vn si noir attentat,
Qui sans aucun espoir priueroit cet estat
D’vne puissante teste ;
Ie pense qu’il seroit beaucoup moins perilleux
D’en perdre la moitié, que ce chef merueilleux,
Qui par son bras puissant pourroit sauuer le reste.