[retour à un affichage normal]

Accueil > recherche > Affichage d'une occurrence en contexte

Mazarinade n° B_12_26

Image de la page

Anonyme [1652], LE PAQVET DV MAZARIN , français, latinRéférence RIM : M0_2672. Cote locale : B_12_26.


LE PACQVET
du Mazarin.

C’EST à ce coup qu’il faut que le Mazarin
bande, puis qu’il a troussé son pacquet, il se
retire ses bagues sauues, trop aise d’emporter le
moule du pourpoint ; Et nous aussi ne sommes
pas marris d’estre déliurez de sa peau. Quelque
desir de gloire qui puisse animer nos deux partis :
neantmoins le sujet de leur different estoit indigne
de leur colere : Ces desordres n’ont esté que
trop grands pour vne cause si legere : il s’agissoit
de retenir ou d’éloigner vn Estranger, falloit-il
que la France se portast dans des extremitez si
grandes, & qu’elle seruit à toute l’Europe de
Theatre, où l’on a veu tant de sanglantes tragedies?
Mais ce qui est fait est fait : & comme dit
Aristote, la puissance diuine mesme ne peut faire
que les choses passées n’ayent pas esté. Enfin le
calme va succeder à la tempeste, le [1 lettre ill.]onas va estre
precipité dãs la mer: le Frelon a les aisles coupées,