[retour à un affichage normal]

Accueil > recherche > Affichage d'une occurrence en contexte

Mazarinade n° E_1_70

Image de la page

Anonyme [1649], LE PARTISAN TENTÉ DV DESESPOIR PAR LE DEMON DE LA MALTAVTE, QVI LVY REPROCHE LES CRIMES, de sa vie, & cause son repentir. DIALOGVE. , françaisRéférence RIM : M0_2722. Cote locale : E_1_70.


Dieu le Registre du compte de tes crimes horribles, pris sur les
memoires escrits de ta main dans les receptes & despenses de tes Bureaux,
& qui seray bien tost ton Bourreau, pour te faire voir en effet le
pouuoir que i’ay sur toy.
 

L’AVTHEVR.
A ces mots le Partisan saisi d’effroy, d’entendre que cette voix se
rendoit tousiours plus affreuse & estonnante, & peut-estre aussi de quelque
signe d’application de la main du Demon sur son collet, touché en
ce moment d’vn rayon de la diuine Bonté, eut recours à elle, & se iettant
à genoux, la face contre terre, prononça ces mots tesmoin de son
repentir, qui eurent l’efficace de chasser le Demon, & faire sortir son
ame hors de ce trouble.

ORAISON DV PARTISAN.
MON Dieu tout puissant & tout bon, de qui la mort m’a donné la
vie, ne permettez pas, ie vos prie, que ie la perde par les mains de
vostre ennemy : & bien que mon peché m’ait presque rendu semblable
à luy, & mis sous sa tyrannie ; ne laissez pas mon ame à l’abandon du
desespoir, dont il me tente, encore que ie l’aye trop merité ; chastiez-moy
de vostre main paternelle, & non de la sienne : ie vous en coniure
par le merite du sang dont vous m’auez vne fois racheté, par
lequel i’espere que vous détournerez de moy la vengeance d’vn Dieu
courroucé, dont toute esperance de salut est ostée. Temperez donc
vostre iustice de vostre misericorde, à laquelle ie demande ma grace
pour la coulpe. Et d’autant que suis obligé de satisfaire à cette
iustice pour la peine, i’accepte de bon cœur, & auec soumission,
tout ce qu’il luy plaira ordonner, soit perte de biens, & supplice
de peine & de mort temporelle, puisque de plus grands & de moins
criminels que moy l’en ont satisfaite : mais sauuez mon ame de la mort
spirituelle, & acceptez le repentir que i’offre à vostre bonté comme
son ouurage. Ainsi soit-il. >