[retour à un affichage normal]

Mazarinade n° A_6_63

Image de la page

Anonyme [1649], LE PHILOSOPHE ET CASVISTE DE CE TEMPS. DEDIÉ A NOSSEIGNEVRS DE PARLEMENT. , français, latinRéférence RIM : M0_2753. Cote locale : A_6_63.

viennent de la mauuaise conscience d’vne ame Mazarine, qui
ayant attiré tous les biens par vne auidité criminelle, a encore
par vne passion enragée liuré de tres-sanglans assauts, mesme
aux plus innocens, iusqu’à s’estendre sur les enfans du berceau.
 
Ce cœur Barbarin croyoit assujettir toute la France sous
l’esclauage de ses loix, mais cét auguste Senat a rompu tous
ses pernicieux desseins. Or on demande au Casuiste si on peut
consciencieusement se defaire d’vn tel Ministre.
On respond qu’ouy, estant question du salut & de la liberté
du peuple, qui par des voix plaintiues & clameurs aussi sinistres
que lugubres demandent vengeance au Ciel : à ce propos il me
souuient de ce qui est dit dans l’Ecriture, qu’il faut purger le
Monde de ces Tytans. Et en l’Exode, le Seigneur Dieu parlant
à Moyse, dit, Celuy qui m’offensera ie le bifferay du nombre des
viuans.
Exode 32.
vers. 33.
Vn peu apres, il fait voir combien les hommes luy sont chers
& en quel degré il les aime, de sorte qu’apres qu’il eust donné
des loix de la dilection il prohibe l’homicide, & cette defense
estant violée porte pour punition la mort ; cette Loy passa iusqu’aux
animaux les plus brutes, ordonnant que le bœuf ou autre
animal qui offenseroit l’homme, seroit lapidé ; mesme qu’apres
sa mort on ne mangeroit de sa chair, tant il est vray que
Dieu aime l’homme iusqu’à vn excez, qu’il à donné son Fils,
qui est la splendeur de sa gloire.
Si les animaux priuez de raison ont esté traittez de la sorte,
pour des legeres offenses, qui ne doit pas esperer, Mazarin,
apres tant d’homicides dont il est complice, & tant de crimes
dont il est criminel ; on est donc obligé par les Loix diuines, naturelles
& humaine de s’en defaire.
L’Apostre commande de ce soubsmettres aux puissances
créez, qui sont les Rois & Magistrats qui maintiennent les
Peuples par leur sagesse & conduite ; neantmoins Mazarin
s’oppose formellement à ce decret, il n’a que rage & passion
cõtre ce glorieux Senat, qu’il auroit sacrifié à sa rage n’eust esté
les armes du pauure Peuple qu’il a oppressé, qui s’est opposé
à ses pernieux desseins ; & partant il doit estre puny comme vn
execrable, qui veut saccager des illustres personnes consacrées
Rom. 13.
Omnis
anima potestatibus
sublimiori
bus subdita
sit.