lieux de cette Ville, & plusieurs maisons toutes entieres,
afin de descharge des loyers desdites Boutiques
& maisons, pour les termes escheus depuis le
mois d’Aoust dernier, & pour l’aduenir : autre par
Antoine Antheome & autres, Hosteliers du quartier
Sainct Martin & ruës adjacentes, afin de descharge
des termes escheus depuis le mois de May
dernier : autre par Iean Amestry, Pierre Naba &
autres, Locataires des maisons sizes és enuirons du
Palais Royal, ruës des Petits-Champs, Coquillere
& Vieux Augustins, afin de descharge des deux
tiers des loyers, depuis ledit mois de May dernier :
autre par les principaux Locataires des maisons qui
logent en Chambres garnies des quartiers du Louure
& Palais Royal, afin de descharge des trois termes ;
& vne autre par Iacques Maillard, Henry Chenelon
& plusieurs autres, Habitans du Faux-bourg
Sainct Germain, afin de descharge des termes Sainct
Iean, Sainct Remy & Noel, pour moitié, & pour le
tout du terme de Pasques, & de celuy qui escherra
à la Sainct Iean, auquel iour les Baux demeureroient
resolus, si mieux n’aymoient les Proprietaires r’entrer
dés à present en leurs maisons ; & en cas de contestations,
defenses fussent faites d’attenter à leurs
personnes & biens pour le payement desdits loyers
escheus & à eschoir : Et oüy sur ce le Procureur General
du Roy, auquel lesdites Requestes ont esté
communiquées de l’Ordonnance de ladite Cour,
& sur la Remonstrance par luy faite. La matiere mise

page précédent(e)

page suivant(e)