Des coupe-bourses de Bretagne,
D’vn fé de dé d’Italien,
Et d’vn certe à bon escien,
D’vn veritablement de traistre,
Et d’vn chien qui n’a point de maistre :
De la main d’vn bon Escriuain,
De la cuisine d’vn Vilain,
Du cousteau du Flamand yurongne,
Et du cap de Dious de Gascongne,
Du Sacrament de l’Allemand,
Et de la fureur de Normand,
De la grotte Sauoisienne,
De la crotte Parisienne,
De la verolle de Roüen,
Mais nous voicy à sainct Aignen
O ! Dieu que d’ordures estranges,
Que de culs cachez dans les granges,
Que de bons Ians, que de jambons,
Que de bouteilles & de flacons,
Que de fleurettes refoulees,
Que de filles despucelees.
Que de beaux collets desfraisez,
De busques rompus, seins brisez,
Que de mains sous les vertugades,
Que d’andoüilles, que de sallades,
De jonchees, de ceruelats,
De tables, de pots & de plats,

page précédent(e)

page suivant(e)