chacun : l’Abeille n’extrait son miel que des
fleurs les plus suaues & odorantes, le trop de
croyance & le peu de foy preiudicient grande
ment à vn homme d’authorité, & mesme le rerdent
mesprisable.

Il est vray que le pretexte que prenent les
perturbateurs de vostre repos, est foible : I’açoit
qu’il porte quelque apparence de bien &
d’vtilité : ce n’est pas de ce temps que ces reuoltes
ont accoustumé de ce faire, & que les mutins
soubs ombre du bien public & de la Reformation
de l’Estat, ont esmeu des Seditions,
qui ont causé beaucoup de dommage.

Il est besoin quelquefois d’apporter vn remede
violent à vne maladie perilleuse : vostre
Maieste n’en sçauroit donner vn plus prompt &
vn meilleur au mal present, que de contenter
son Peuple ; c’est vne Mer qui s’excite par peu
de vent, vostre presence ruynera les desseins de
ces factieux, comme le Soleil dissipe les nuages.
Le passage du Rubicon effroya tellement les
ennemis de Cesar, qu’ils ne cherchoient leur
salut, qu’en vne honteuse fuitte.

Ce n’est pas que ie veüille porter vostre Maiesté
à la vengeance qui d’ordinaire a la cruauté
pour compagne, ce seroit donner à vos subiects
plus de crainte que d’amour, qui est vne chose
tres dangereuse pour regner librement & paisiblement,
il suffit à vn Prince d’auoir pû se
vẽger. Vn Philosophe interrogé par quel moyen
on se pourroit venger de ses ennemis, respondit :
en se monstrant homme de bien. La vengeance,
Sire, que vous deuez prendre de ces