Libertins, c’est de vous monstrer Roy, & que
vostre pouuoir est esgal à vostre volonté. En
cecy vos actions & deportemens, qui n’ont iamais
eu pour obiet que ce qui est iuste & equitable,
auront plus de force que vos armes :
c’est le plus seur moyen que vostre Maiesté
sçauoit tenir pour ramener ces ames esgarées à
leur deuoir.

Ce seroit prendre les choses trop à la rigueur,
que la coulpe fust suiuie de la peine, ainsi que
le bien fait doit estre de la recompense, encore
que ce soit deux expediens propres pour maintenir
vne Monarchie en sa splendeur & en son
lustre : Le bon Medecin desire plustost apporter
guerison au patient par remedes doux &
lenitifs, que par medecines corrosiues : souuentesfois
par moyens contraires on arriue à vne
pareille fin. Ce peintre, qui pour n’auoir pû
viuement representer l’escume d’vn Cheual,
vouloit effacer son ouurage, le hazard luy donna
ce que son art & son industrie luy auoient
desnié.

Sire, prenez vne autre voye que celle des Armes,
qui ne peut estre qu’à la foule de vostre
peuple. Ceux qui y portent vostre Maiesté, ce
sont gens qui ne considerent que l’estat present
de vos affaires. Il faut en ceste occasion se
seruir du double visage de Ianus, préuoir le futur,
& prendre garde sur ce qui peut aduenir
de nos entreprises. Nous voyons par experience
que l’eau en allument la chaux, elle l’esteind ;
vostre Maiesté feroit le contraire, car
pensant appaiser ces seditions, elle embrazeroit